02325
आराखडा रद्द होत नाही
तोपर्यंत लढा सुरूच राहील
गुलाबराव पोळ : मुख्यमंत्र्यांच्या घोषणेचे स्वागत
पेठवडगाव, ता. १० : ‘अन्यायकारक विकास आराखडा स्थगित केल्याच्या मुख्यमंत्र्यांच्या घोषणेचे आम्ही स्वागत करत आहे. या लढ्याचे श्रेय विकास आराखडा कृती समितीचे व जनतेचे आहे. परंतु, त्याचे श्रेय काही लोक घेण्याचा प्रयत्न करीत आहेत. हा लढा अद्याप संपलेला नाही. विकास आराखडा जोपर्यंत रद्द होत नाही तोपर्यंत त्याविरोधात न्यायालय व राजकीय पातळीवर लढा सुरूच राहाणार आहे,’ अशी माहिती आराखडा विरोधी कृती समितीचे अध्यक्ष गुलाबराव पोळ यांनी पत्रकार परिषदेत दिली.
ते म्हणाले, ‘विकास आराखडा करताना अनेक चुका केल्या आहेत. शेतकरी, व्यापाऱ्यांवर अन्याय झाला आहे. तो करताना पक्षपात, राजकीय उद्देशाने विरोधकांना टार्गेट करून केला. यामुळे नागरिकांच्यात संतापाची लाट होती. या विरोधात वडगाव बंद, धरणे आंदोलन, मोर्चे अशी आंदोलने केली. त्यावेळी हा विकास आराखडा शहराच्या दृष्टीने आवश्यक असल्याची भूमिका सत्ताधारींनी घेतली. परंतु, याबाबतीत कृती समिती काढून रस्त्यावरचे आंदोलन केले. म्हणून शासनास निर्णय घ्यावा लागला आहे. याबाबतचे निवेदन मुख्यमंत्री एकनाथ शिंदे यांना हातकणंगले येथे दिले होते. त्याची दखल घेत मुख्यमंत्र्यांनी स्थगिती दिली.’
माजी नगरसेवक संदीप पाटील म्हणाले, ‘विकास आराखडा झाला तेव्हा मी सत्तेत होतो. त्यावेळी कोणत्याही नगरसेवकास विश्वासात घेतले नाही. त्यामुळे मी सभागृहात त्याला उघड विरोध केला.’
यावेळी विजय शहा, भाजपचे शहर अध्यक्ष जगन्नाथ माने, अण्णा तायशेटे, सुनील कदम, खंडेराव मिरजकर, शशिकांत पिसे, अमोल हुकेरी, रमेश दाभाडे उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.