04989
पुनाळ : पुनाळ-तिरपण बंधाऱ्यातील कचरा जेसीबीच्या सहायाने काढण्यात आला.

पुनाळ-तिरपण बंधाऱ्यात
अडकलेला कचरा काढला
पुनाळ : येथील कासारी नदीवरील पुनाळ-तिरपण बंधाऱ्याच्या दरवाजांमध्ये अडकलेला कचरा धरण संस्थेने काढला. त्यामुळे वाहत्या प्रवाहातील अडथळा दूर झाला आहे. बंधाऱ्यातील अडकलेला कचरा जेसीबी यंत्राच्या सहायाने बाहेर काढण्यात आला. धरण संस्थेचे अध्यक्ष मारुती पाटील, उपाध्यक्ष नारायण येरुडकर यांच्या पुढाकाराने व संचालक, कर्मचारी यांच्या सहकार्याने कचरा काढण्यात आला. गेल्या आठवडाभर झालेल्या मुसळधार पावसामुळे नदी क्षेत्रात कचरा आला होतो. त्यामुळे पाण्याचा विसर्ग होण्यास अडथळा निर्माण होऊन पिल्लरना धोका वाढला होता. पुराने लाकडी ओंडके, झाडे, बेटे, कचरा बंधाऱ्याच्या दरवाजाजवळ अडकला होता. त्यामुळे संस्थेने याची दखल घेऊन बंधारा कचरामुक्त केला. यावेळी प्रकाश जाधव, सुनील पाटील, विलास चौगले, शरद पाटील, तानाजी डवरी, श्रीपती पाटील उपस्थित होते. याबाबत पुनाळ-तिरपण धरण संस्थेचे अध्यक्ष मारुती पाटील म्हणाले, ‘‘बंधाऱ्यात अडकलेल्या कचऱ्यामुळे बंधाऱ्याला धोका पोहोचतो. त्यामुळे तातडीने कचरा काढण्यात आला.’’