लिंकिंग करणाऱ्या कंपन्यांवर
कृषी विभागाने कारवाई करावी
शाहूनगर, ता. १३ ः रासायनिक खतांबरोबर लिंकिंग देणाऱ्या कंपन्यांवर कृषी विभागाने कारवाई करावी, या मागणीचे निवेदन शिवसेना उद्धव बाळासाहेब ठाकरे पक्षाच्यावतीने राधानगरी तालुका पंचायत समितीचे कृषी अधिकारी अरुण मगदूम यांना देण्यात आले. जिल्हा उपप्रमुख सुरेश चौगले, तालुकाप्रमुख बाबा पाटील , उपतालुकाप्रमुख उत्तम शेटके, विभागप्रमुख युवराज पाटील यांच्या नेतृत्वाखालील शिष्टमंडळाने निवेदन दिले.
निवेदनात म्हटले आहे की, गेली दोन वर्षे रासायनिक खतांबरोबर लिंकिंग दिले जात आहे. २६० रुपयांचा युरिया ५०० रुपयाला विकला जात असून, शेतकऱ्यांची ही लुबाडणूक आहे. तरी लिंकिंग देणाऱ्या कंपन्यांवर अथवा खत विक्री करणाऱ्या विक्रेत्यावर कारवाई करावी. कृषी सेवा केंद्रांनी आपली दुकाने बंद ठेवून लिंकिंगविरोधात आवाज उठवला होता; पण कंपनीच्या लोकांनी त्याला जुमानले नाही. याला रासायनिक खते विक्रेत्यांना जबाबदार न धरता खत विक्री करणाऱ्या कंपनीवर अथवा लिंकिंग करणाऱ्या डीलरवर खरीप हंगाम सुरू होण्यापूर्वी कारवाई करावी, अन्यथा शिवसेनेच्या वतीने पंचायत समितीसमोर ठिय्या आंदोलन करू. यावेळी भाऊसाहेब रेपे, सागर पाटील, अरुण खामकर, संजय पाटील, अरविंद सनदी, अनिल चौगले उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.