राशिवडे परिसरात लंपीमुळे ११ जनावरे दगावली
राशिवडे बुद्रुक : येथे लंपी रोगामुळे अकरा जनावरे दगावली आहेत. महिनाभरापासून सुरू असलेल्या या साथीमुळे शेतकरी हैराण झाला आहे. याकडे संबंधित विभागाचे गांभीर्याने लक्ष नसल्याची स्थिती पुढे येत आहे. गेल्याच आठवड्यात लंपीमुळे चार दुभत्या गायींचा मृत्यू झाला असतानाच आता ही संख्या अकरावर पोहोचली आहे. याचा प्रादुर्भाव वाढत असून त्या तुलनेने उपचार कमी होत आहेत.येथे जिल्हा परिषद पशुवैद्यकीय दवाखाना आहे, मात्र त्यांची यंत्रणा तोकडी पडते. येथील जनावरांची संख्या विचारात घेता लंपी आटोक्यात आणण्यासाठी विशेष शिबिर घेण्याची गरज आहे. परंतु याकडे संबंधित विभागाकडून गांभीर्याने पाहिले जात नाही, अशा तक्रारी शेतकऱ्यांतून पुढे येत आहेत. जनावरे मृत्यू होण्याची संख्या दिवसेंदिवस वाढत असून आजवर येथील दाजी चौगले, धनाजी चौगले, धोंडीराम शिंदे, तानाजी परीट, आनंदा नाईक, तानाजी संकपाळ, संजय चौगले, बळवंत लाड व बळवंत गोंगाणे या शेतकऱ्यांची जनावरे लंपीला बळी पडली आहेत. त्यामध्ये बैल, दुभत्या गायी आणि कालवडींचा समावेश आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.