कोल्हापूर - कोल्हापूर महानगरपालिकेचे आयुक्त डॉ. मल्लिनाथ कलशेट्टी यांची बदली झाली आहे. त्याबाबतचे आदेश महानगरपालिकेला नुकतेच प्राप्त झाले आहेत. आयुक्त डॉ. मल्लिनाथ कलशेट्टी यांच्या जागी नूतन आयुक्त म्हणून कादंबरी बलकवडे यांची नियुक्ती  झाली आहे. बलकवडे या गोंदियाच्या जिल्हाधिकारी होत्या. त्या कोल्हापूरचे पोलिस  अधीक्षक शैलेश बलकवडे यांच्या पत्नी आहेत.  

बदली आदेश प्राप्त झाले असले तरी कलशेट्टी यांच्या बदलीचे ठिकाण अजून ठरले नाही. फेब्रुवारी 2019 मध्ये महापालिका आयुक्त म्हणून डॉ. मल्लिनाथ कलशेट्टी कोल्हापूर महापालिकेत रुजू झाले. आलेल्या पहिल्या रविवारपासून त्यांनी स्वच्छता मोहिमेला सुरुवात केली. प्रत्येक रविवारी महापालिका आणि विविध सामाजिक संघटनांच्या मदतीने शहरात स्वच्छता मोहीम घेत होते. गेल्या रविवारी 75 वी मोहीम झाली. स्वच्छता मोहिमेचा अमृतमहोत्सव साजरा केला. विशेष म्हणजे 2019 च्या महापुरामध्ये या स्वच्छता मोहिमेचा मोठा फायदा झाला. कोरोना काळातही मल्लिनाथ कलशेट्टी यांनी चांगले काम केले आहे. 

हे पण वाचा - शिंगाडा, पानगा, खवली, कोळशी हे मासे दुर्मिळ होण्याची ही आहेत कारणे  

 संपादन - धनाजी सुर्वे