पत्की हॉस्पिटलमध्ये
उद्या रंगणार
‘दोन पिढ्यांचा जन्मोत्सव’
कोल्हापूर ः ३७ वर्षांत पत्की हॉस्पिटलमध्ये जन्मलेल्या मुलांचा अनोखा स्नेहमेळावा रविवारी (ता. १९) हॉटेल सयाजीमध्ये सकाळी दहाला होणार आहे. १९८८ ते २००० या कालावधीत पत्की हॉस्पिटलमध्ये जन्मलेल्या मुलांची मुले पत्की हॉस्पिटलमध्येच आई-बाबा बनले, अशा दोन पिढ्यांचा जन्मोत्सव रंगणार आहे. शाहूपुरीत १९८७ मध्ये पत्की हॉस्पिटल सुरू झाले. त्यानंतर १९८८ मध्ये चार बेडच्या हॉस्पिटलमध्ये रूपांतर झाले. यानंतर पालकत्वाचे आनंदाचे क्षण पत्की हॉस्पिटलमध्ये अनेकांनी अनुभवले. यापैकीच ज्यांचा जन्म पत्की हॉस्पिटलमध्ये झाला. त्यांनी विवाह झाल्यानंतर आपल्या मुलांचाही जन्म पत्की हॉस्पिटलमध्येच व्हावा, या हेतूने हॉस्पिटलचे ऋणानुबंध आणखी घट्ट केले. अशाच प्रकारची पहिल्या पिढीतील २०० व त्यांच्या पोटी जन्मलली २३४ मुले यांचा स्नेहमेळावा असेल. आई-वडील दोघेही तसेच त्यांच्या मुलांनीही पत्की हॉस्पिटलमध्येच पहिला श्वास घेतला अशा पाच जोड्याही मेळाव्यात असतील. यासोबतच डॉक्टरांची दुसरी पिढी म्हणजेच डॉ. श्वेता पत्की, डॉ. श्रीस्वरूप कुलकर्णी, डॉ. सह्रद पत्की, डॉ. आदिती पत्की हे रूग्णसेवेत दाखल झाले आहेत.