मांगुर : मांगुर-कुन्नूर रस्त्यावरील दुधगंगा नदीच्या (Dudhganga river) पुलाजवळ झालेल्या अपघातात कुन्नूर येथील दुचाकीस्वार (One person death) अण्णासो गणपती चौगुले (वय 44) हे जागीच ठार झाले. मंगळवारी (ता. 15) रात्री हा अपघात घडला. सदलगा पोलिस ठाण्यामध्ये (sadlaga Police station) या घटनेची नोंद झाली आहे.

याबाबत मिळालेली माहिती अशी, कुन्नूर येथील अण्णासो चौगुले हे मंगळवारी (ता. 15) रात्री अकराच्या दरम्यान मांगूरहून कुन्नूरकडे जात होते. मांगुर येथील दूधगंगा नदीच्या पुलाजवळ आल्यानंतर दुचाकी रस्त्याच्या कडेला असलेल्या कठड्याला धडकली. या अपघातात चौगुले हे जागीच ठार झाले. तसेच त्यांच्यासोबत असलेले आणखी एक जण किरकोळ जखमी झाले.

घटनेचा पंचनामा झाल्यानंतर मृत चौगुले यांचा मृतदेह सदलगा येथील प्राथमिक आरोग्य केंद्रामध्ये शवविच्छेदनासाठी नेण्यात आला. त्यानंतर बुधवारी दुपारनंतर मृतदेह कुटुंबीयांचकडे सुपूर्द करण्यात आला. कुन्नूर येथे मृतदेहावर अंत्यसंस्कार करण्यात आले. चौगुले यांच्या आकस्मिक अपघाती निधनाने कुन्नूरवर शोककळा पसरली होती. मृत चौगुले यांच्या मागे आई, पत्नी, मुलगा, दोन मुली असा परिवार आहे.