मिरज - येथील गणेश तलाव लक्ष्मी मंदिर नजिक राहाणाऱ्या रोहित राजेंद्र हंडीफोड (वय २९) याचा त्याचेच वडील राजेंद्र हंडीफोड (वय 50) याने खून केला आहे.
पोलिसांनी दिलेल्या माहितीनुसार, आरोपी राजेंद्र हंडीफोड याने आपल्याच मुलाच्या शरीराचे हात-पाय धडा वेगळे करून, शरीराचा उर्वरित भाग गणेश तलावात टाकून उर्वरित धड सुभाषनगर येथील शिंदे हॉल नजिक बरगाले नगर येथील प्लॉटवर आणून टाकल्यामुळे खळबळ उडाली आहे.
शुक्रवारी सकाळी सुभाषनगर बरगाले मळा येथे हा खूनाचा प्रकार उघडकीस आला. या प्रकरणी संशयित आरोपी असलेला बाप स्वतःच पोलिसात हजर झाल्यानंतर खुनाची ही घटना उघडकीस आली आहे.
राजेंद्र हंडीफोड व त्याच्या मुलाचा वडिलोपार्जित दूध विक्रीचा व्यवसाय आहे. मुलगा अधून मधून दूध विक्री हे करत होता. मात्र गेल्या काही वर्षांपासून तो कर्जबाजारी बनल्याने घरात नेहमी वादावादी करत असे. यापूर्वी वडिलांसोबत त्याचे भांडण झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.