सांगोला : शेतकरी कामगार पक्षाचा (शेकाप) बालेकिल्ला असणाऱ्या सांगोला विधानसभा मतदारसंघात तब्बल बारा वेळा निवडणूक जिंकण्याचा विक्रम करणारे आमदार गणपतराव देशमुख यांनी निवडणूक लढणार नसल्याचे जाहिर केले आहे. शेकापचा उमेदवार कोण? ही चर्चा सध्या जोरात सुरु आहे. त्यातच आता राष्ट्रीय समाज पक्षाने (रासप) शेकापविरोधात लढण्याची तयारी सुरु केली आहे.
आमदार गणपतराव देशमुखांनी निवडणूक लढावी म्हणून शेकाप कार्यकर्त्यांनी रान तापवायला सुरु केले आहे. यातच धनगर समाजात लोकप्रिय असणारे रासपचे प्रवक्ते माणदेशी ऊसतोड कामगार संघटनेचे अध्यक्ष आणि सांगोल्यातील एक चळवळीतील कार्यकर्ता म्हणून ओळख असणारे प्रा. लक्ष्मण हाके निवडणूक लढतील अशी शक्यता आहे.
अनेक वर्षांपासून ते मंत्री महादेव जानकर यांचे ते खंदेसमर्थक म्हणून परिचित आहेत. सांगोल्याची जागा युतीमधून कुणाला सुटणार हेही पहावे लागणार आहे.
शेकापची उमेदवारी नवख्या उमेदवाराच्या गळ्यात पडल्यास आणि गणपतराव देशमुख उमेदवार नसतील तर सांगोल्याची निवडणूक रंगतदार होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.