आळसंद : बलवडी भा. (ता. खानापूर) येथील येरळा नदीच्या पाण्याचे पात्र तुडुंब भरले आहे. पावसाच्या पाण्याने नव्हे, तर ताकारी उपसा सिंचन योजनेच्या पाण्याने भरले आहे. या पाण्याने नदीकाठावरील शेतकऱ्यांना दिलासा मिळाला आहे.
चार दिवसांपूर्वी ताकारी योजनेचे पाणी येरळा नदीत सोडले आहे. कमळापूर, तांदळगाव, वाझर, बलवडी येथील नदीकाठावरील शेतकऱ्यांना दिलासा मिळाला आहे. गेल्या आठ- दहा वर्षांपूर्वी ताकारी, आरफळ योजनेचे पाणी येरळा नदीपात्रात सोडले.
परिणामी, नदीपात्रात पाणी साचले. नदीकाठच्या शेतकऱ्यांना दोन-तीन किलोमीटरपर्यंत कोरडवाहू शेतीला जलवाहिनीद्वारे पाणी पुरवठा केला आहे. यावर्षी पाऊस लांबल्याने नदीपात्र कोरडे पडले होते.
नदीकाठावरील शेतातील पिके पाण्यावाचून करपून जाण्याची शक्यता होती. पाणी सोडल्याने पिकांना जीवदान मिळाले आहे.
वाळू तस्करांना चाप
येरळा नदीपात्रातून वाळू उपसा होत होता. पलूस तहसीलदारांनी चार दिवसांपूर्वी बेकायदा वाळू उपसा करण्याऱ्यांवर कारवाई केली होती. वाळू उपसा करणाऱ्यांना ताकारी योजनेचे पाणी आल्याने चाप बसला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.