सातारा : मार्च महिन्यात नागपूर वरून प्रवास करून आलेल्या 35 वर्षीय तरुणाला कृष्णा मेडिकल कॉलेज कराड येथे घसा दुखत असल्यामुळे आणि तापेमुळे  दाखल केले होते. त्याचा आज (रविवार) अहवाल आला असून तो कोरोना बाधित निघाला आहे. तसेच उपजिल्हा रुग्णालय कराड येथे 30 वर्षीय पुरुष जो गेल्या महिन्यात पुण्यावरून आला होता, त्याला ताप आणि घसा दुखत असल्यामुळे भरती केले होते त्याचाही अहवाल पॉझिटिव्ह आला आहे असे बी.जे. वैद्यकीय महाविद्यालय पुणे यांनी कळविले आहे. हे दोन रुग्ण कोरोनाबाधित असल्याची माहिती जिल्हा शल्यचिकीत्सक डॉ. आमोद गडीकर यांनी दिली. दरम्यान रुग्णालयात दाखल असलेल्या या कोरोनाबाधित रुग्णांची प्रकृती स्थिर असून त्यांच्यावर नियमानुसार निगराणीखाली उपचार सुरु आहेत.

कऱ्हाड : तालुक्यातील उंब्रज जवळील चरेगाव आणि ओगलेवाडी जवळील बाबरमाची येथील दोन रुग्णांचे अहवाल आज पॉझीटीव्ह आले. एकाचवेळी दोन रुग्ण सापडल्याने खळबळ उडाली आहे. त्यामुळे कऱ्हाड तालुक्यातील पॉझीटीव्ह रुग्णांची संख्या चार झाली आहे. दरम्यान संबंधित दोन्ही ठिकाणच्या संशयीताच्या संपर्कातील लोकांना रुग्णालयात दाखल करण्यासाठी प्रशासन, आरोग्य विभागाकडुन कार्यवाही सुरु करण्यात आली आहे.

दरम्यान पोलिसांनीही संबंधित ठिकाणी मोठा फौजफाटा तैनात केला असुन त्या परिसरातील सर्व रस्ते सील करण्याची कार्यवाही सुरु करण्यात आली आहे. कऱ्हाड तालुक्यातील पहिल्यांदाच सापडलेला तांबवेतील कोरोना बाधीत युवक बरा होवुन कालच त्याला टाळ्यांच्या गजरात घरी सोडण्यात आले. त्यानंतरही दोन रुग्णांचे रिपोर्ट पॉझीटीव्ह आले आहे. त्यांच्यावर उपचार सुरु आहे. दरम्यान आज बाबरमाची आणि चरेगाव येथील दोन रुग्णांचे रिपोर्ट पॉझीटीव्ह आले आहेत. त्यामुळे तालुक्यातील पॉझीटीव्ह रुग्णांची संख्या चार झाली आहे.

Lockdown : सातारा जिल्ह्यासाठी स्वतंत्र मार्गदर्शक तत्त्वे : शेखर सिंह