उंब्रज (जि. सातारा) : लॉकडाऊनमध्ये अडकलेल्या मुलांना चंदगड येथून आणण्यासाठी निघालेल्या पुण्यातील डॉक्टर दांपत्यचा पुणे- बंगळुरू राष्ट्रीय महामार्गावर भोसलेवाडी (ता.कऱ्हाड) गावाच्या हद्दीत मोटार अपघातात जागीच ठार झाले. 

महामार्गावरुन भरधाव निघालेल्या मोटारीवरील चालकाचा ताबा सुटून ती दुभाजकाला धडकून पहाटे चारच्या सुमारास हा भीषण अपघात झाला. डॉ. अमित आप्पाजी गावडे (वय ३८), डॉ. अनुजा अमित गावडे (वय ३५, दोघेही रा. ग्रीन फिल्ड सोसायटी, हडपसर, पुणे) अशी अपघातात ठार झालेल्या दांपत्याचे नाव आहे.

पोलीस व घटनास्थळावरील माहिती अशी, पुणे- बंगळूरू राष्ट्रीय महामार्गावर सातारा ते कऱ्हाड मार्गिकेवर कोल्हापूरकडे मोटार (एमएच १२ जेयू ८८९२) भरधाव वेगात जात होती. पहाटे चारच्या सुमारास येथून जवळच असलेल्या भोसलेवाडीनजीक मोटारीवरील चालकाचा ताबा सुटून मोटार महामार्गाच्या दुभाजकाला धडकली. त्यात ती पलटी होवून सातारकडे जाणाऱ्या मार्गिकेवर गेली. 

अपघातात मोटारीचा चक्काचूर झाला आहे. या मोटारमधील डॉ. अमित गावडे व डॉ. अनुजा गावडे गंभीर जखमी होऊन ते जागीच ठार झाले. लॉकडाऊनमध्ये कोल्हापूर जिल्ह्यातील चंदगड येथे अडकलेल्या मुलाला आणण्यासाठी डाॅक्टर दांपत्य जात होते. अपघाताची माहिती समजताच येथील पोलीस ठाण्याचे कर्मचारी तसेच महामार्ग देखभाल विभागाचे कर्मचाऱ्यांनी अपघातस्थळी धाव घेत मदतकार्य केले.


अजित पवार,जयंत पाटलांनी करुन दाखवलं; यांच्या गाेलगप्पाच

एकदम झक्कास : तीन वर्षीय बालक कोराेनामुक्त

कामगिरी फत्ते : घरापर्यंत काेट्यावधी रुपये पाेचले

सातारा जिल्ह्यात फैलावलेल्या कोरोनाची बाधा काही केल्या कमी येईना. कऱ्हाडला लागलेले कोरोनाचे ग्रहण सुटणार कधी अशी चिंता व्यक्त केली जात आहे  वयाेगटानूसार रुग्ण किती हे वाचा