कऱ्हाड ः केंद्र सरकारने जानेवारी 2020 मध्ये घेतलेल्या कचरामुक्त शहर स्पर्धेत कऱ्हाड शहराला थ्री स्टार मानांकन मिळाल्याची माहिती मुख्याधिकारी यशवंत डांगे यांनी दिली. स्वच्छ सर्वेक्षण स्पर्धा 2019 मध्ये एक लाख लोकसंख्येच्या पालिकांत कऱ्हाडने देशात प्रथम क्रमांकाचे बक्षीस मिळवले आहे. त्यानंतर केंद्र सरकारने घेतलेल्या कचरामुक्त शहरातही कऱ्हाडला थ्री स्टार मानांकन प्राप्त झाले आहे. 

पालिकेतील लोकप्रतिनिधी व आरोग्य विभागाचे अधिकारी, कर्मचारी यांनी समन्वयाने काम केल्याने थ्री स्टार मानाकंन मिळाले आहे. केंद्र सरकारने जानेवारी 2020 साठी घेतलेल्या स्वच्छ सर्वेक्षण स्पर्धेत निकाल नंतर जाहीर होणार आहे. शहराला स्वच्छ सर्वेक्षणात देशात प्रथम क्रमांक, हागणदारीमुक्त शहर व त्यानंतर मिळालेले कचरामुक्त शहरचे थ्री स्टार मानांकनही वेगळी ओळख करून देणारे ठरते आहे.

कऱ्हाडसह भिवंडी, चंद्रपूर, धुळे, गडहिंग्लज, इंदापूर, जळगाव, जालना, जेजुरी, जुन्नर, कागल, खेड, लोणावळा, महाबळेश्वर, मलकापूर, माथेरान, मीरा भाईंदर, मुरगुड, नारखेड, पाचगणी, पन्हाळा, राजापूर, रत्नागिरी, सासवड, शिर्डी, तासगाव, वडगाव, वेंगुर्ला, विटा यांचाही समावेश आहे. 

कर्जमाफीत असूनही लाभ न मिळालेल्यांना खरिप कर्ज मिळणार : बाळासाहेब पाटील

अरे बापरे... विनापरवानगी येताहेत लोंढे

डोंगरी मेवाही विलगीकरणात...

सातारा ः व्वा क्वारंटाइनमध्ये वृक्षनिर्मितीचा ध्यास