कऱ्हाड : कऱ्हाड तालुक्‍यातील कोरोना बाधित रुग्ण झपाट्याने कोरोनामुक्त होत आहेत. येथील कृष्णा हॉस्पिटलमधील उपचार घेत असलेले आणखी चौघे कोरोनामुक्त झाल्याने त्यांना टाळ्यांच्या गजरात डिस्चार्ज देण्यात आला. त्यात नऊ वर्षांच्या मुलीचाही समावेश आहे. तालुक्‍यातील आजअखेर 93 जण कोरोनामुक्त होऊन घरी परतले आहेत. त्यामुळे लवकरच तालुका कोरोनामुक्तीची शंभरी गाठण्याची शक्‍यता आहे.
 
कृष्णा हॉस्पिटलमधून आजअखेर 60 जण कोरोनामुक्त झाले आहेत. म्हासोलीतील 60 वर्षीचा पुरुष, मलकापुरातील नऊ वर्षांची मुलगी, उंब्रजमधील 22 वर्षांचा युवक व 53 वर्षांचा पुरुष आदींना डिस्चार्ज मिळालेल्यांमध्ये समावेश आहे. त्या वेळी कृष्णा हॉस्पिटलचे वैद्यकीय संचालक डॉ. ए. वाय. क्षीरसागर, डॉ. आनंद गुडूर, डॉ. रश्‍मी कनविकर-गुडूर, डॉ. एस. आर. पाटील, डॉ. संजय पाटील, डॉ. रोहिणी बाबर, तालुका वैद्यकीय अधिकारी डॉ. संगीता देशमुख यांच्या हस्ते या कोरोनामुक्त रुग्णांना पुष्पगुच्छ देण्यात आले. या वेळी हॉस्पिटल स्टाफ उपस्थित होता. जिल्ह्यात आतापर्यंत 126 जणांना कोरोनामुक्त झाल्याने घरी सोडण्यात आले आहे.

साखर झोपेतच सातारा जिल्ह्याला धक्का; 52 पॉझिटिव्ह, दोघांचा मृत्यू

रेशनिंग दुकानदारांचा सरकारला इशारा

दराअभावी कांदा ऐरणीत लॉकडाउन!

कोरोनाच्या महामारीत माणुसकीही थांबली!

लाॅकडाऊन उठताच मटका व्यवसाय आला तेजीत अन्...