मिरज : मध्य रेल्वेच्या (Central Railway) सोलापूर विभागाकडून (Solapur Division) पंढरपूर येथील कार्तिकी एकादशीनिमित्त विशेष रेल्वे गाड्यांचे नियोजन केले आहे. मिरज-कुर्डुवाडी, मिरज-पंढरपूर आणि पंढरपूर-मिरजदरम्यान २० ते २७ नोव्हेंबरपर्यंत विशेष गाड्या धावतील.

पंढरपूर-मिरज-पंढरपूर दरम्यान २०, २१, २५ व २७ नोव्हेंबर रोजी चार फेऱ्यांमध्ये गाड्या धावतील. गाडी क्रमांक ०१४४३ पंढरपूर येथून सकाळी ९ वाजून २० मिनिटांनी सुटून मिरजेत दुपारी १२ वाजून ५ मिनिटांनी पोहोचेल. त्याच दिवशी मिरज-पंढरपूर-मिरज गाडी क्रमांक ०१४४४ मिरजेतून दुपारी १ वाजून १० वाजता सुटून पंढरपूर येथे सायंकाळी ५ वाजून ५ मिनिटांनी पोहोचेल.

तर मिरज-पंढरपूर-मिरज ही विशेष गाडी २१ ते २५ नोव्हेंबर रोजी चार फेऱ्यांत धावणार आहे. मिरज-पंढरपूर गाडी क्रमांक (०१४४५) मिरजेतून सकाळी ८ वाजता सुटेल व पंढरपूर येथे त्याच दिवशी सकाळी १० वाजून २५ मिनिटांनी पोहोचेल. पंढरपूर-मिरज गाडी क्रमांक ०१४४६ पंढरपूर येथून सकाळी ११ वाजता सुटेल. मिरज येथे त्याच दिवशी दुपारी २ वाजता पोहोचेल. मिरज-कुर्डुवाडी-मिरज गाडी २१ ते २४ नोव्हेंबरपर्यंत चार फेऱ्यांत धावणार आहे.

मिरज-कुर्डुवाडी गाडी क्रमांक ०१४४७ मिरजेतून दुपारी ४ वाजता सुटून कुर्डुवाडी येथे रात्री ८ वाजून २५ मिनिटांनी पोहोचेल. तर कुर्डुवाडी-मिरज ०१४४८ ही गाडी कुर्डुवाडी येथून रात्री ९ वाजता सुटून मिरज येथे रात्री १ वाजता पोहोचेल. आरग, बेळंकी, सलगरे, कवठेमहांकाळ, लंगरपेठ, ढालगाव, जतरोड, मसोबा डोंगरगाव, जवळे, वासुद, सांगोला थांबे आहेत.

एकादशीला मिरजेतून गाड्या

• मिरज-पंढरपूर दरम्यान २० ते २७ पर्यंत सकाळी ८, दुपारी १ वाजून १० मिनिटांनी, दुपारी ४

• पंढरपूर-मिरज दरम्यान २० ते २७ पर्यंत सकाळी ९ आणि ११

• मिरज-कुर्डुवाडी दरम्यान २१ ते २४ पर्यंत दुपारी ४

• कुर्डुवाडी-मिरज दरम्यान २१ ते २४ पर्यंत रात्री ९