सोलापूर : काळविटाची पाच शिंगे विक्रीसाठी आलेल्या अजित अविनाश सरवदे (रा. हब्बू वस्ती, देगाव रोड) याला शहर गुन्हे शाखेच्या पथकाने पकडले. पाच शिंगे हस्तगत करून त्याच्याविरुद्ध फौजदार चावडी पोलिसांत गुन्हा दाखल झाला आहे.
शहर गुन्हे शाखेचे सहायक पोलिस निरीक्षक जीवन निरगुडे यांच्या पथकाला १६ जून रोजी खबऱ्यांकडून माहिती मिळाली होती. एक तरुण काळविटाची शिंगे विक्रीसाठी बाळीवेस परिसरात येणार असल्याचेही खबऱ्याने पोलिसांना सांगितले होते. त्यानुसार पोलिस पथकाने त्याठिकाणी सापळा रचून अजित सरवदे याला पकडले.
त्याच्याकडे कोणताही परवाना नसताना देखील त्याने बेकायदेशीरपणे काळविटाची शिंगे स्वत:कडे ठेवली होती. काळविटाची शिंगे कोठून आणली, यासंदर्भात त्याने पोलिसांना उडवाउडवीची उत्तरे देत आपणही कोणाकडून तरी विकत घेतल्याचे सांगितले.
फौजदार चावडी पोलिस अधिक तपास करीत असून, संशयित आरोपीला नोटीस देऊन सोडण्यात आल्याचे पोलिस सूत्रांनी सांगितले. दरम्यान, ही कामगिरी गुन्हे शाखेचे वरिष्ठ पोलिस निरीक्षक सुनील दोरगे यांच्या मार्गदर्शनाखाली सहायक पोलिस निरीक्षक जीवन निरगुडे यांच्या नेतृत्वाखालील पोलिस अंमलदार दिलीप किर्दक, वाजिद पटेल, संजय साळुंखे यांच्या पथकाने पार पाडली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.