सोलापूर : हिवाळा (Winter) सुरू होत असताना सुका मेव्याची (Dry Friuts) मागणी वाढली आहे. मात्र, सुका मेव्याचे भाव बऱ्यापैकी उतरले आहेत. या भाव घसरणीचा फायदा ग्राहकांना हिवाळ्यासाठी चांगलाच होणार आहे. हिवाळ्यात सुका मेव्याची मागणी सर्वाधिक असते. सुका मेवा बाजारासाठी हा अत्यंत महत्त्वाचा हंगाम मानला जातो. दोन वर्षानंतर बाजारपेठ उघडल्यानंतर आता अचानक सुका मेव्याचे भाव बऱ्यापैकी कमी झाले आहेत.

मागील अनेक वर्षांपासून काजूचे भाव वधारलेले होते. काजूचे भाव 900 रुपयांपेक्षा अधिक होते. यावर्षी मात्र, काजूच्या भावात अचानक घट झाली आहे. काजूचे भाव चक्क 200 ते 250 रुपयांनी घटले आहेत. बाजारात पुरेशी आवक असल्याने व इतर कारणाने काजूचे भाव काही प्रमाणात कमी झाले आहेत. काजूच्या पाठोपाठ बदामाचे भाव देखील उतरले आहेत. बदामाचे पूर्वीचे भाव 1 हजार रुपयापेक्षा अधिक होते. हे भाव आता अडीचशे रुपयांनी घटले आहेत.

बेदाण्याचे भाव 200 ते 251 रुपये किलोपर्यंत आहेत. त्यामध्ये देखील फार मोठी वाढ नाही. फक्त खोबऱ्याच्या भावात काही प्रमाणात वाढ झाली आहे. तर खारकेचे भाव स्थिर आहेत. त्यामध्ये कोणताही बदल नाही. खजुराचे भाव 20 रुपयांनी वाढले आहेत.

सुका मेव्याचे प्रतिकिलो बाजारभाव

• काजूचे दर 1000 रुपयावरून 750 रुपयांवर

• बेदाण्याचे भाव 250 रुपये

• बदामाचे भाव 1000 रुपयांवरून 750 रुपयांवर

• खारीकचे भाव 150 ते 250 रुपये किलोवर स्थिर

• खजूरच्या भावात प्रतिकिलो 20 रुपयांची वाढ

हिवाळ्यात सुका मेव्याची मागणी वाढलेली असते. तरीही भाव मात्र कमी झाले आहेत. बदाम व काजू हे मागील काही वर्षात जादा दराने विकले गेले असताना यावेळी त्यांच्या भावात मात्र घट झाली आहे.

- प्रवीण ओसवाल, सुका मेवा व मसाले व्यापारी, सोलापूर