एसटी बसमधून शाळेत जाणाऱ्या 8 हजार 194 पासधारक विद्यार्थ्यांची दमछाक होत आहे.
सोलापूर : कोरोना (Covid-19) रुग्णांची संख्या कमी झाल्यामुळे ऑफलाइन पद्धतीने शाळा (School) सुरू झाल्या आहेत. मात्र, एसटी कर्मचाऱ्यांनी मागील एक महिन्यापासून संप पुकारला (ST Strike) आहे. त्यामुळे एसटी बसमधून शाळेत (Education) जाणाऱ्या 8 हजार 194 पासधारक विद्यार्थ्यांची (Students) दमछाक होत आहे. (Eight thousand pass holders students are being disadvantaged due to ST bus strike)
कोरोनाची दुसरी लाट ओसरल्यामुळे शाळा, महाविद्यालये सुरू झाली आहेत. दिवाळीपूर्वी एसटीने शाळेत जाणाऱ्या विद्यार्थ्यांची संख्या जवळपास आठ हजारांच्या घरात आहे. त्यामुळे एसटी कर्मचाऱ्यांच्या संपामुळे एसटीची वाहतूक बंद आहे. त्यामुळे खासगी प्रवासी वाहने गच्च भरून जीवघेणी वाहतूक करीत असून, विद्यार्थ्यांना एसटीचा संप मिटण्याची प्रतीक्षा आहे. दहावी, बारावीचे वर्ग सुरू होऊन महिना उलटला तरी एसटीअभावी अनेकांचे शैक्षणिक नुकसान होत आहे. प्राथमिक शिक्षण घेण्यासाठी गावागावात शाळा आहेत; मात्र माध्यमिक शिक्षणासाठी अनेक गावांमधील विद्यार्थ्यांना आपल्या गावापासून जिल्ह्याच्या आणि तालुक्‍याच्या ठिकाणी जावे लागते. यासाठी शासनाच्या एसटी सेवेचा वापर करतात.
शाळा सुरू केली मात्र, एसटी बस कर्मचाऱ्यांच्या संपामुळे काही आगारातील ग्रामीण भागातून जाणाऱ्या बस मात्र अजूनही बंदच आहेत. दररोज प्रवास भाडे खर्च करून जाणे परवडणारे नसल्याने पालक विद्यार्थ्यांना शाळेत पाठवत नसल्याचेही चित्र आहे. ग्रामीण भागातून तालुक्‍याच्या ठिकाणी अनेक विद्यार्थी शिक्षणासाठी येतात. यामध्ये 'आयटीआय'सह टंकलेखन प्रशिक्षणासाठी येणाऱ्या विद्यार्थ्यांचा समावेश आहे. या विद्यार्थ्यांनाही एसटी महामंडळाच्या पासचा आधार असतो. परंतु, एसटी बंद असल्याने त्यांचेही हाल होत आहेत. एसटी कर्मचारी आंदोलनावर तोडगा निघत नसल्याने विद्यार्थी आणि पालक वर्ग चिंतेत आहे.
कोरोना नियमांची पायमल्ली
एसटी बस बंद असल्याने खासगी प्रवासी वाहतुकीला सुगीचे दिवस आले आहेत. त्यांना कोरोना काळात झालेल्या नुकसानाची भरपाई करण्याची संधी मिळाली असून, वाहनेही प्रवाशांनी गच्च भरून वाहतूक करीत आहे. यातील बहुतांश वाहनांमध्ये कोरोना नियमांची पायमल्ली होत असल्याचे पाहणीत दिसून आले.
आगारनिहाय पासधारक विद्यार्थ्यांची संख्या
सोलापूर - 1383, पंढरपूर - 608
बार्शी - 242, अक्‍कलकोट - 1253
करमाळा - 1238, अकलूज - 684
सांगोला - 1187, कुर्डुवाडी - 517
मंगळवेढा - 1082
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.