Solapur News : आषाढी एकादशी पंढरपूर यात्रानिमित्त पंढरपुर शहर व परिसरात १५ ते १९ जुलै दरम्यान मद्य विक्री व ताडी दुकाने बंद ठेवण्याचे आदेश देण्यात आले आहेत. पंढरपूर शहरातील व पंढरपूर शहरापासून ५ कि.मी. त्रिज्या परिसरातील सर्व देशी विदेशी मद्य विक्री व ताडी दुकाने पूर्ण दिवस बंद राहणार आहेत.
तसेच २० व २१ जुलैला पंढरपूर शहरातील व पंढरपूर शहरापासून पाच किलो मीटर त्रिज्या परिसरातील सर्व देशी व विदेशी मद्य विक्री, व ताडी दुकाने सायंकाळी ५ पासून बंद राहणार आहेत. आषाढी एकादशी पंढरपूर यात्रानिमित्त संत श्री तुकाराम महाराज व संत श्री ज्ञानेश्वर महाराज पालखी मुक्कामाच्या ठिकाणी (गावात/शहरात) सार्वजनिक शांतता राखणे आवश्यक असल्याने गुरूवारी (ता.११) नातेपुते,
शुक्रवारी (ता.१२) माळशिरस व अकलूज, शनिवारी (ता.१३) वेळापूर, बोरगांव ,श्रीपूर माळीनगर, रविवारी (ता. १४) भंडीशेगाव, पिराची कुरोली व सोमवारी (ता.१५) वाखरी येथे पूर्ण दिवस मद्य विक्री बंद राहणार आहे. या आदेशाचे उल्लंघन करणाऱ्यावर कायदेशिर कारवाई करण्यात येईल असा इशाराही जिल्हाधिकारी कुमार आशीर्वाद यांनी दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.