सोलापूर  :  बालकांचा मोफत व सक्तीच्या शिक्षणाचा अधिकार अधिनियमांतर्गत 25 टक्के प्रवेशासाठी (राईट टू एज्युकेशन - आरटीई) शहरातील 21 शाळा पात्र झाल्या आहेत. या शाळांमध्ये नर्सरी व एलकेजीसाठी 43 तर पहिलीसाठी 342 जागा उपलब्ध आहेत. त्यासाठी ऑनलाइन नोंदणी उद्यापासून (बुधवार) सुरू होत आहे. इच्छुकांनी कागदपत्रे तयार ठेवावीत, असे आवाहन महापालिका प्राथमिक शिक्षण मंडळाचे प्रशासनाधिकारी कादर शेख यांनी केले आहे. 

हेही वाचा - सुभेदार तानाजी मालुसरे यांची कवडी माळ शु्क्रवारी `या` शहरात

ऑनलाइन प्रक्रियेत 25 टक्के प्रवेश
ऑनलाइन प्रक्रियेत 25 टक्के प्रवेश घेऊ इच्छिणाऱ्या पालकांनी अधिक माहितीसाठी महापालिका प्राथमिक शिक्षण मंडळाच्या कार्यालयात संपर्क साधण्याचे आवाहन प्रशासनाच्या वतीने करण्यात आले आहे. ऑनलाइन प्रवेश प्रक्रिया उद्यापासून सुरू होत असून, त्यासाठी rte25admission.maharashtra.gov.in किंवा https://student.maharashtra.gov.in/adm_portal/Users/rteindex या संकेतस्थळावरून अधिक माहिती घ्यावी, असे श्री. शेख यांनी सांगितले. 

हेही वाचा - पाणीचोरीचा असाही फंडा 

प्रवेशासाठी पात्र शाळा याप्रमाणे 
राज मेमोरिअल इंग्लिश मीडियम स्कूल, केकडेनगर, नागेश करजगी ऑर्किड स्कूल, राज मेमोरिअल स्कूल, जुनी मिल कंपाउंड, गांधीनाथा रंगजी इंग्लिश मीडियम स्कूल, सहस्त्रार्जुन इंग्लिश मीडियम स्कूल, व्हॅलेंटाईन सर्कल इंग्लिश मीडियम स्कूल, ज्ञानप्रबोधिनी बालविकास मंदिर, विद्या इंग्लिश मीडियम स्कूल, पोलिस पब्लिक स्कूल, सुरवसे इंग्लिश मीडियम स्कूल, श्री सुशीलकुमार शिंदे इंग्लिश मीडियम स्कूल, इंडियन मॉडेल स्कूल, जुळे सोलापूर, मॉडेल पब्लिक स्कूल, इंडियन मॉडेल स्कूल सीबीएसई, युनिक इंग्लिश मीडियम स्कूल, बटरफ्लाय इंग्लिश मीडियम स्कूल, पद्मश्री रामसिंग भानावत इंग्लिश मीडियम स्कूल, गुडशेफर्ड प्रायमरी स्कूल, पोदार इंटरनॅशनल स्कूल आणि एस. ए. ए. न्यू इंग्लिश मीडियम स्कूल.