सोलापूर - अक्कलकोट रोड एमआयडीसी परिसरातील वजेश्वरी नगर येथील धर्मण्णा बुग्गप्पा मादगंडी हे परिवारासह पुण्यातील मुलीकडे वास्तुशांतीसाठी गेले होते.

ही संधीसाधून चोरट्याने त्यांच्या घरातून दोन लाख २१ हजार रुपयांचे दागिने व रोकड चोरून नेली आहे.

२६ ऑगस्टच्या पहाटे पाच ते सकाळी सात यावेळेत चोरट्याने घरात प्रवेश करून बेडरूममधील कपाटातून मुद्देमाल चोरून नेल्याची फिर्याद मादगंडी यांनी एमआयडीसी पोलिसांत दिली आहे. पोलिस उपनिरीक्षक रजपूत तपास करीत आहेत.