सोलापूर

सोलापूर विद्यापीठाची 5 जुलैपासून परीक्षा

तात्या लांडगे

विद्यार्थ्यांच्या आरोग्याला प्राधान्य देत सत्र परीक्षा ऑनलाइन घेण्याचा निर्णय परीक्षा मंडळात घेण्यात आला होता. त्यानुसार विद्यापीठाने परीक्षेचे नियोजन केले आहे.

सोलापूर : पुण्यश्‍लोक अहिल्यादेवी होळकर सोलापूर विद्यापीठाची (solapur university) सत्र परीक्षा (Session Exam) 5 जुलैपासून सुरू होणार आहे. विद्यापीठाशी संलग्नित 110 महाविद्यालयांमधील तब्बल 62 हजार विद्यार्थी ऑनलाइन परीक्षा (Online exam) देतील, अशी माहिती परीक्षा नियंत्रक डॉ. विकास कदम यांनी दिली. कोरोनामुळे ही सत्र परीक्षा ऑनलाइन होईल, असेही त्यांनी यावेळी स्पष्ट केले. (the session examination of solapur university will start from 5 th july)

अभियांत्रिकी, फार्मसी, विज्ञान, कला, वाणिज्य, बीएड, लॉ अशा विविध अभ्यासक्रमाची परीक्षा जुलै-ऑगस्ट या काळात होणार आहे. कोरोनाचा प्रादुर्भाव ग्रामीण भागातून अजूनही कमी झालेला नाही. त्यामुळे विद्यार्थ्यांच्या आरोग्याला प्राधान्य देत सत्र परीक्षा ऑनलाइन घेण्याचा निर्णय परीक्षा मंडळात घेण्यात आला होता. त्यानुसार विद्यापीठाने परीक्षेचे नियोजन केले आहे. दरम्यान, परीक्षेसाठी अर्ज करण्याची मुदत 28 जूनपर्यंत आहे. त्यात बीएड आणि लॉच्या विद्यार्थ्यांसाठी 23 जूनपर्यंत तर उर्वरित अभ्यासक्रमाच्या विद्यार्थ्याना 28 जूनपर्यंत अर्ज करता येणार आहेत.

या कालावधीत अर्ज न करणाऱ्या विद्यार्थ्यांना विलंब शुल्क आकारून पुढील दोन दिवस मुदत वाढविली जाईल, असेही डॉ. कदम म्हणाले. आगामी सत्र लवकर सुरू होईल, जेणेकरून विद्यार्थ्यांचे शैक्षणिक नुकसान होणार नाही, असे नियोजन विद्यापीठाने केल्याचेही त्यांनी यावेळी सांगितले. कोरोनामुळे ज्या विद्यार्थ्यांना परीक्षा देता येणार नाही, त्यांची परीक्षा पुढे घेतली जाणार आहे.

ठळक बाबी...

- 5 जुलै ते 21 ऑगस्टदरम्यान 2020-21 मध्ये कोरोनामुळे राहिलेली सत्र परीक्षा

- विद्यापीठासह संलग्नित 110 महाविद्यालयांमधील 62 हजार विद्यार्थी देणार परीक्षा

- 50 प्रश्‍नांची एक प्रश्‍नपत्रिका; पेपर सोडविण्यासाठी एक तासाची वेळ

- परीक्षेत पारदर्शकता यावी म्हणून विद्यापीठ वापरणार प्रॉक्‍टिरिंग प्रणाली

- ऑगस्टअखेर निकाल होईल जाहीर; सप्टेंबरपासून नव्या वर्षाची प्रवेश प्रक्रिया

कुलगुरू डॉ. मृणालिनी फडणवीस, प्र-कुलगुरू डॉ. देबेंद्रनाथ मिश्रा यांच्या मार्गदर्शनाखाली आगामी सत्र परीक्षेचे नियोजन केले आहे. कोरोना काळात अन्य विद्यापीठांच्या तुलनेत परीक्षा अन्‌ निकाल जाहीर करण्यात आपले विद्यापीठ अव्वल राहिले आहे.

- डॉ. विकास कदम, परीक्षा नियंत्रक, पुण्यश्‍लोक अहिल्यादेवी होळकर सोलापूर विद्यापीठ

(the session examination of solapur university will start from 5 th july)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Maharashtra Assembly Election 2024 Results Vote Counting Live Updates: पुणे जिल्ह्यात महायुती, महाविकास आघाडी यांच्यापैकी कोणाला मिळणार मतदारांचा कौल?

Mumbai Assembly Election Results 2024 LIVE Counting:

Bacchu Kadu Update: निवडणूक निकालापूर्वी बच्चू कडूंचा निकाल लागला, कोर्टाने काय दिला निर्णय?

Chandrapur Assembly Constituency Result 2024 : चंद्रपूर मतदारसंघात भाजप आपला बालेकिल्ला मिळवणार? किशोर जोर्गेवार विरुद्ध प्रवीण पाडवेकर

Versova Assembly Constituency Result: भारती लव्हेकर विरुद्ध हारून खान

SCROLL FOR NEXT