कडेगाव : विहापूर येथे घर व शेतजमीन नावावर करीत नसल्याच्या रागातून मुलाने बापाच्या डोक्यात, खांद्यावर लाकडी दांडक्याने जबर मारहाण करीत तोंड, डोके फरशीवर आपटून खून केल्याची धक्कादायक घटना घडली. तानाजी यशवंत माने (वय ७० रा. विहापूर) असे मृताचे नाव आहे.

संशयित प्रदीप तानाजी माने याच्याविरोधात कडेगाव पोलिस ठाण्यात गुन्हा दाखल झाला असून, पोलिसांनी त्याला अटक केली आहे. मृत तानाजीची पत्नी मंगल तानाजी माने यांनी फिर्याद दिली आहे. दरम्यान, या घटनेने विहापूरवर शोककळा पसरली आहे.

पोलिसांनी दिलेली माहिती अशी ः तानाजी माने विहापूर येथील रहिवाशी असून त्यांचा मुलगा संशयित प्रदीप माने याला दारूचे व्यसन आहे. अनेक दिवसांपासून तो घर व जमीन नावावर करा म्हणून वडिलांशी वाद घालत होता. दरम्यान, काल (शनिवारी) दुपारी प्रदीप दारू पिऊन घरी आला.

स्थावर मालमत्तेसाठी

विहापुरात बापाचा खून यांच्यासोबत घर व शेतजमीन नावावर करण्यावरून वाद घालू लागला. त्यानंतर रागाच्या भरात व दारूच्या नशेत वडील तानाजी यांना लाकडी दांडक्याने डोक्यात, खांद्यावर जबर मारहाण केली. त्यांचे तोंड व डोके फरशीवर आपटले. यात तानाजी गंभीर जखमी झाले.

त्यांना सांगलीला शासकीय रुग्णालयात उपचारासाठी नेण्यात आले. मात्र, उपचारादरम्यान आज (रविवारी) त्यांचा मृत्यू झाला. कडेगावचे पोलिस निरीक्षक जितेंद्र शहाणे अधिक तपास करीत आहेत.