बेळगाव : बेळगाव शहराला पाणीपुरवठा (water supply) करणाऱ्या राकसकोप जलाशयात (Rakaskop dam) यंदा गतवर्षीच्या तुलनेत तीन फूट अधिक पाणीसाठा आहे. तर हिडकल जलाशयात सुमारे सव्वा दोन टीएमसी कमी (water TMC) पाणी आहे. अधूनमधून होत असलेल्या पावसामुळे या साठ्यात थोडीफार वाढ होत असल्याने यंदा पाणी टंचाई (water scarcity) उद्भविण्याची शक्यता कमी आहे.

राकसकोप जलाशयाची क्षमता २,४७७.०० फूट तर हिडकल जलाशयाची क्षमता ५१ टीएमसी आहे. मंगळवारी (ता. ५) राकसकोप जलाशयात २,४६३.९० इतका पाणीसाठा होता. तर गेल्यावर्षी याच दिवशी २,४६१.१० फूट पाणी होते. म्हणजेच यंदा २.८ फूट अधिक पाणी आहे. हिडकल जलाशयात मंगळवारी १५.२४ टीएमसी पाणी होते. तर गतवर्षी १३.१० टीएमसी पाणी होते. त्यामुळे, २.१४ पाणीसाठा कमी आहे. एका जलाशयात कमी व दुसऱ्या जलाशयात अधिक पाणी आहे. यामुळे एल अँन्ड टीला पाण्याचे योग्य नियोजन करावे लागणार आहे. गतवर्षी अनेक वेळा अवकाळी पाऊस झाला होता. त्यामुळे, जलाशयातील पाणी वाढत राहिले. यंदाही अवकाळी पाऊस अधिक झाल्यास ही चिंता मिटणार आहे.

नियोजन नसल्याने सध्या शहराला पिण्याच्या पाण्याची टंचाई आहे. मात्र, मे महिन्यात परिस्थिती बिकट होऊ शकते. त्यासाठी आतापासून पाण्याचे योग्य नियोजन हवे. राकसकोप जलाशयातील पाणीसाठा मे अखेरपर्यंत पुरतो. तसेच हिडकलमधूनही पावसाळ्यापर्यंत पाणीपुरवठा केला जातो. शहरातील पाणीपुरवठा करणाऱ्या मुख्य जलवाहिनीला गळती लागून लाखो लिटर पाणी वाया जाते. याकडे दुर्लक्षच केले जाते. एकदा गळती लागल्यास आठ ते दहा दिवस त्याकडे दुर्लक्ष होते. यामुळे लाखो लिटर पाणी वाया जाते. यासाठी वेळीच गळत्या काढणे आवश्‍यक आहे.