मांजरी : कर्ज फेडण्याच्या विवंचनेतून तरुण शेतकऱ्याने (Farmer) आत्महत्या केल्याची घटना इंगळी (ता. चिक्कोडी) येथे सोमवारी सकाळी उघडकीस आली. सचिन राजू पाटील (वय ३२) रा. इंगळी असे आत्महत्या केलेल्या शेतकऱ्याचे नाव आहे.

सचिन आपली वडिलार्जित शेती कसून कुटुंब चालवत होते. शेती व इतर कारणासाठी त्याने सहकारी संस्थांमधून ८ ते १० लाख रुपयांचे कर्ज घेतले होते. मात्र, अलीकडे कृष्णा नदीला आलेल्या पुरात संपूर्ण शेती उद्‌ध्वस्त झाल्यामुळे घेतलेले कर्ज कसे फेडायचे, या विवंचनेतून गोठ्यात गळफास घेऊन आत्महत्या केली.

घटनेची फिर्याद सचिन यांची पत्नी राणी यांनी अंकली पोलिस ठाण्यात (Ankali Police Station) दिली आहे. पोलिसांनी पंचनामा करून पुढील तपास चालू ठेवला आहे. सचिन यांच्या मागे आई, वडील, पत्नी, भाऊ व दोन मुले असा परिवार आहे.