पिंपरी - जमिनीच्या वादातून जातिवाचक शिवीगाळ करून बेदम मारहाण (Beating) केल्याप्रकरणी निवृत्त सहायक पोलिस आयुक्तासह (retired police officer) त्याच्या चार साथीदारांवर अ‍ॅट्रोसिटीचा (Atrocity) गुन्हा (Crime) दाखल झाला आहे. गणपत माडगुळकर असे त्याचे नाव आहे. याप्रकरणी विशाल नंदू वाघमारे (वय ३२, रा. गोल्ड फिंगर सोसायटीसमोर, वाकड) यांनी वाकड पोलिस ठाण्यात फिर्याद दिली आहे. (Atrocity on four accomplices including a retired police officer connection beating)

फिर्यादी यांची वाकड गावठाण येथे जमीन असून, या जमिनीचा दिवाणी न्यायालयात वाद सुरू आहे. दरम्यान, २५ फेब्रुवारीला मंडल अधिकारी यांनी या जमिनीची ताबा कारवाई सुरु केली होती. सायंकाळी सव्वापाचच्या सुमारास फिर्यादी तेथे रस्त्यावर उभे असताना, ही जमीन खरेदी करणारे माडगुळकर व त्यांच्या चालकाने मोटार अंगावर घातली. त्यावेळी माडगुळकर यांनी जातिवाचक शिवीगाळ करून कोयता दंडावर मारला. तर त्यांच्या चालकाने डोक्यात लोखंडी रॉडने मारहाण केली. काही वेळाने त्यांचे इतर साथीदारही आले.

फिर्यादीचा भाऊ तुषार वाघमारे भांडण सोडवण्यासाठी आला असता, त्यालाही जातिवाचक शिवीगाळ करून मारहाण केली. त्याठिकाणी नातेवाईक महिला आली असता त्यांनाही शिवीगाळ केली. याप्रकरणी अनुसूचित जाती व अनुसूचित जमाती (अत्याचार प्रतिबंधक) अधिनियमासह, मारहाण, शिवीगाळ आदी कलमांतर्गत वाकड पोलिस ठाण्यात गुन्हा दाखल झाला आहे.