तळेगाव स्टेशन - गणेशोत्सवाच्या सातव्या दिवशी मंगळवारी (ता. ०६) तळेगाव दाभाडे शहर आणि लगतच्या परिसरातील सार्वजनिक गणेश मंडळाचे आणि घरगुती गणेशमुर्तींचे रोजी विसर्जन मिरवणुक असल्याने, मंगळवारी (ता.०६) दुपारी २ पासून बुधवारी पहाटे २ पर्यंत तळेगाव-चाकण महामार्गावरील जड,अवजड वाहनांची वाहतूक तळेगाव एमआयडीसीमार्गे वळवण्यात आली आहे.

तळेगाव दाभाडे परिसरातील सातव्या दिवशीच्या गणेश विसर्जनासाठी तळेगाव-चाकण महामार्गावर मोठ्या प्रमाणात गर्दी तसेच वाहतुक कोंडी निर्माण होवुन कायदा व सुव्यवस्थेचा प्रश्न निर्माण होण्याची शक्यता असल्याने यापूर्वी काही निर्बंध असतील ते रद्द करुन तात्पुरत्या स्वरुपात मंगळवारी (ता.०६)  दुपारी २ ते बुधवारी (ता.०७) पहाटे २ वाजेपर्यंत वरीलप्रमाणे वाहतुक वळविण्यात आली आहे.

वडगाव बाजूने तळेगाव ते चाकण रस्त्यावरुन जाणा-या सर्व प्रकारच्या जड,अवजड वाहनांना प्रवेश बंदी करण्यात आली असून, पर्यायी मार्ग म्हणून तळेगाव एमआयडीसी फाटा- नवलाख उंब्रे-शिंदेवासुली आंबेठाण चौकी मार्गे इच्छितस्थळी जातील.मुंबईकडे चाकण ते तळेगाव रस्त्यावरुन जाणा-या सर्व प्रकारच्या जड,अवजड वाहनांना प्रवेश बंदी असून,पर्यायी मार्ग म्हणून चाकण-आंबेठाण चौक-शिंदेवासुली-नवलाख उंब्रे-तळेगाव एमआयडीसी फाटा-वडगाव मार्गे इच्छितस्थळी जातील.अत्यावश्यक सेवेतील वाहने फायरब्रिगेड, पोलीस वाहने,रुग्णवाहीकांना यातून सुट देण्यात आली आहे.

वाहनचालक आणि वाहनधारकांनी पर्यायी मार्गाचा वापर करण्याचे आवाहन पिंपरी-चिंचवड वाहतुक विभागाचे पोलीस उपायुक्त आनंद भोईटे यांनी केले आहे.