पिंपरी - टाटा उद्योग समूहाने कोरोना विरुद्धच्या लढाईसाठी पंधराशे कोटी रुपयांची मदत केली आहे. देशावर ज्यावेळी संकट येईल. यापूर्वीही त्यांनी देशाच्या मदतीसाठी वेळोवेळी मदत केलेली आहे. पिंपरी-चिंचवड शहराच्या जडणघडणीत व नावलौकिकातसुद्धा त्यांचा मोठा वाटा आहे. टाटा उद्योग समूहाचे सर्वेसर्वा रतन टाटा यांना भारतरत्न पुरस्काराने सन्मानित करावे, असा ठराव महापालिका सर्वसाधारण सभेत उपसूचनेद्वारे मंजूर करण्यात आला. राज्य व केंद्र सरकारकडे तो पाठविण्यात येणार आहे.
टाटा उद्योग समूहाचे रतन टाटा यांनी कोरोना विरुद्धच्या लढाईत तब्बल दीड हजार कोटी रुपयांची मदत केली आहे. मुंबई येथील ताज हॉटेल विनामोबदला कोरोना योद्ध्यांना राहण्यासाठी उपलब्ध करुन दिले.
पिंपरी-चिंचवड शहर व देशावरील संकट काळातही त्यांचे मोठे योगदान आहे. अनेकांना उद्योग, व्यावसाय, नोक-या उपलब्ध करुन देण्यात त्यांचा वाटा सहभाग आहे. यामुळे ज्येष्ठ उद्योगपती रतन टाटा यांना सर्वोच्च अशा भारतरत्न पुरस्काराने सन्मानित करावे, असा ठराव सर्वसाधारण सभेत मंजूर करण्यात आला आहे. उपमहापौर तुषार हिंगे यांनी उपसूचनेद्वारे ठराव मांडला. तर, कामगार नेते व नगरसेवक केशव घोळवे यांनी अनुमोदन दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.