पिंपरी : रावेत (Ravet) येथील जलउपसा केंद्रातील विद्युत विषयक देखभाल दुरुस्तीसाठी गुरुवारी (Thursday) (ता.२९) शहरातील पाणी पुरवठा यंत्रणा बंद ठेवण्यात येणार आहे. त्यामुळे गुरुवारी सकाळचा पुरवठा केल्यानंतर शहरातील सर्व भागांचा सायंकाळचा पुरवठा होणार नाही. तसेच शुक्रवारी (friday) सकाळचा पाणीपुरवठा अनियमित होण्याची शक्यता असल्याचे आहे. (Pimpri Chinchwad city water supply closed Thursday)

शहराला मावळातील पवना धरणातून (pavana dam) पाणीपुरवठा केला जातो. रावेत बंधाऱ्यातून महापालिका पाणी उचलते. निगडीतील जलशुद्धीकरण केंद्रात प्रक्रिया करुन शहराला पुरवठा केला जातो. रावेत येथील अशुद्ध जलउपसा विद्युत विषयक देखभाल दुरुस्ती, निगडी जलशुद्धीकरण केंद्रातील विद्युत पुरवठा व पाणीपुरवठा विषयक नियमित देखभाल दुरुस्ती आणि शहरातील पाणी वितरण व्यवस्थेतील दुरुस्तीची कामे हाती घेतली जाणार आहेत.

याच कामासाठी गुरुवारी शहरातील पुरवठा यंत्रणा बंद ठेवण्यात येणार आहे. गुरुवारी सकाळचा पुरवठा करण्यात येईल. त्यानंतर दुरुस्तीच्या कामामुळे शहरातील सर्व भागांचा सायंकाळचा पुरवठा होणार नाही. तर, शुक्रवारी सकाळचा पुरवठा अनियमित होण्याची शक्यता आहे. त्यामुळे नागरिकांनी उपलब्ध पाणी जपून वापरून सहकार्य करावे, असे आवाहन महापालिकेच्या पाणी पुरवठा विभागाने केले आहे.