पिंपरी, ता. २ : भोसरी गावठाणमधील लोंढे तालीम मित्र मंडळातर्फे महाशिवरात्रीनिमित्त सर्व शिवभक्तांना मोफत उसाचा रस देण्यात आला. गावामधील महादेवाच्या मंदिरात भाविक दर्शनाला येताना रांगेत उन्हाचा सामना करावा लागतो. या उपक्रमाची संकल्पना सचिन लोंढे यांनी मांडली. आदेश लोखंडे यांचे मार्गदर्शन लाभले. सुमारे ३५०० ग्लास उसाच्या रसाचा भाविकांनी लाभ घेतला. मंडळातर्फे ५१ हजार रुपये खर्च करून महादेव मंदिराच्या रंग-रंगोटीचे काम केले. मंडळाला प्रसाद लांडगे, कौस्तुभ लांडगे, संकेत लांडगे, सोहम लोंढे यांचे सहकार्य लाभले.