किवळे, ता. ३१ : इतिहासकार होणं ही भारतात सर्वात मोठी जोखमीची गोष्ट असल्याचे मत शिवचरित्रकार नामदेवराव जाधव यांनी रावेत येथे व्यक्त केले.
देहूरोड डॉक्टर असोसिएशन व दीपक मधुकर भोंडवे सोशल फाउंडेशनच्यावतीने रविवारी झालेला सत्कार सोहळा व शिवकालीन शस्त्र प्रदर्शन कार्यक्रमात जाधव बोलत होते. शिकागो येथे होणाऱ्या दुसऱ्या जागतिक संसदेत सर्वधर्म परिषदेसाठी भारताचे प्रतिनिधित्व करण्याची संधी मिळाल्याबद्दल जाधव यांचा नागरी सत्कार करण्यात आला. शंभरहून अधिक हाफ मॅरेथॉन पूर्ण करणारे डॉ. राजेंद्र चवात यांचाही सत्कार झाला. यावेळी देहूरोड डॉक्टर असोसिएशनचे अध्यक्ष सुभाष जाधवर, डॉ. श्रीनिवास बन्सल, दीपक भोंडवे, डॉ. महेश कुदळे, डॉ. राजेंद्र येळवंडे, डॉ. विजय चौधरी, श्रीप्रकाश गलांडे, डॉ. संदीप सांडभोर आदी उपस्थित होते.
जाधव म्हणाले, ‘‘शिवचरित्र लिहिताना कितीतरी अडचणी निर्माण होतात. लेखकाच्या बाजूने भाले, कोयते घेऊनच अनेकजण उभे असतात. हे कसं काय लिहिलं? ते कसं काय लिहिलं? यात आमच्या घराण्याचा उल्लेख का नाही?, आमच्या घराण्याची बदनामी झाली आणि आमच्याबद्दल तुम्ही का लिहिलं नाही? अशा प्रश्नांना लेखकाला सामोरे जावे लागते.’’
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.