पिंपरी, ता. ३ ः निगडीतील दि इन्स्टिट्यूट ऑफ चार्टर्ड अकाउंटंट ऑफ इंडियाच्या (आयसीएआय) पिंपरी-चिंचवड शाखेतर्फे विविध उपक्रमांनी सीए (चार्टर्ड अकाउंटंट) दिन साजरा करण्यात आला.
यावेळी ‘आयसीएआय’चे अध्यक्ष पंकज पाटणी यांच्या हस्ते कार्यालयात ध्वजारोहण करण्यात आले. ‘आयसीएआय’चे प्रादेशिक परिषदेचे माजी सदस्य अशोककुमार पगारिया, किशोर गुजर, पिंपरी-चिंचवड शाखेचे उपाध्यक्ष वैभव मोदी, सचिव सारिका चोरडिया, खजिनदार शैलेश बोरे, सचिन ढेरंगे, सचिन बंसल, सुहास गार्डी, विजय बामणे, संतोष संचेती उपस्थित होते. रक्तदान शिबिरात ३५ जणांनी रक्तदान केले. १५० जणांची मोफत नेत्र तपासणी केली. दुर्गा टेकडी येथे वृक्षारोपण करून स्वच्छता अभियान राबविण्यात आले. रूपीनगरमधील नव महाराष्ट्र विद्यालयातील ६० विद्यार्थ्यांना शैक्षणिक साहित्याचे वाटप करण्यात आले.