पिंपरी, ता. ३० ः आर्या जांभुळकर, अद्विका जाधव यांची फलंदाजी तर समर्थ साठे याच्या अचूक गोलंदाजीच्या बळावर यजमान ऑल स्टार्स अकादमीने १३ वर्षांखालील ‘ऑल स्टार्स’ चषक पटकाविला. गोलंदाज समर्थ साठे सामनावीर ठरला.
ऑल स्टार्स अकादमीच्यावतीने, चिखली येथे वरील स्पर्धा भरविण्यात आली. स्पर्धेचा अंतिम सामना व्हेरॉक-वेंगसरकर क्रिकेट अकादमी आणि यजमान ऑल स्टार्स अकादमी यांच्यात झाला. त्यामध्ये यजमान संघाने २२ धावांनी विजय मिळविला. आर्या जांभुळकरने ४७ धावांची महत्त्वपूर्ण खेळी केली. तर अद्विका जाधव हिने संघासाठी उपयुक्त खेळी केली. गोलंदाजीत समर्थ साठे आणि कर्णधार विहान राजनाळे यांनी चांगली गोलंदाजी केली. पराभूत संघाकडून ध्रुव पवार, अर्णव अहेर, सुधाकर राठोड यांनी चांगला मारा करुन यजमान संघाला मोठी धावसंख्या उभारण्यापासून रोखले. मात्र, व्हेरॉक-वेंगसरकर संघाची फलंदाजी १८२ धावांवरच आटोपली.
विजेत्या संघाची अद्विका जाधव स्पर्धेतील सर्वोत्तम फलंदाज ठरली. याच संघाचा दर्श लोलाडिया याला सर्वोत्तम गोलंदाज तर सिद्धांत लादे (व्हेरॉक-वेंगसरकर अकादमी) याला सर्वोत्तम क्षेत्ररक्षक या किताबाने गौरविण्यात आले. सुधाकर राठोड (व्हेरॉक-वेंगसरकर अकादमी) स्पर्धेतील सर्वोत्तम मानकरी खेळाडू ठरला.
संक्षिप्त धावफलक ः
ऑल स्टार्स ः ४५ षटकांत सर्वबाद २०४ - आर्या जांभुळकर ४७, अद्विका जाधव ३४, विहान राजनाळे २५ (ध्रुव पवार ३/३०, अर्णव अहेर ३/२७, सुधाकर राठोड २/२८) वि.वि. व्हेरॉक-वेंगसरकर अकादमी ः ४५ षटकांत १० बाद १८२ - स्वराज सातपुते ३१, श्रेयान पारवे २८ (समर्थ साठे ३/३८, विहान राजनाळे २/४५)
PNE24U16840
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.