सोमाटणे, ता. ११ ः पवनमावळातील ज्ञानेश्वर विद्यानिकेतन जवनच्या वर्षा बारबोले यांना जिल्हा स्तरीय गुणवंत शिक्षक पुरस्काराने सन्मानित करण्यात आले.
पुणे जिल्हा माध्यमिक शिक्षक संघ, महाराष्ट्र राज्य शिक्षक लोकशाही आघाडी व पुणे जिल्हा माध्यमिक महिला शिक्षिका संघ यांच्या वतीने दरवर्षी माजी शिक्षक आमदार स्व. शिवाजीराव पाटील यांच्या स्मृती दिनानिमित्त पुणे जिल्ह्यातील सर्व तालुक्यातील प्रत्येकी एका शिक्षकास जिल्हास्तरीय गुणवंत शिक्षक पुरस्काराने सन्मानित केले जाते. मावळातून यावर्षी या पुरस्कारासाठी पुणे जिल्हा माध्यमिक महिला शिक्षक संघाच्या मावळ तालुका अध्यक्षा वर्षा बारबोले यांची निवड झाली होती. हा पुरस्कार वितरण समारंभ राजगुरुनगर येथे रविवारी संपन्न झाला. पुरस्काराचे वितरण माजी शिक्षक आमदार नानासाहेब बोरस्ते, खेडचे आमदार दिलीप मोहिते पाटील, माजी आमदार राम कांडगे, माजी आमदार पोपटराव गावडे, शिक्षणाधिकारी भाऊसाहेब कारेकर आदींच्या हस्ते झाले. यावेळी राज्य मुख्याध्यापक महामंडळाचे अध्यक्ष के. एस. ढोमसे, राज्य शिक्षक लोकशाही आघाडीचे कार्याध्यक्ष जी. के. थोरात, शिक्षक संघाच्या जिल्हा प्रतिनिधी स्नेहल बाळसराफ आदींसह मोठ्या संख्येने जिल्ह्यातील शिक्षक उपस्थित होते.
PNE24U25409
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.