पवनानगर, ता. ११ : लोकसभेच्या निवडणुकीच्या पार्श्‍वभूमीवर लोणावळा ग्रामीण पोलिसांच्यावतीने, पवनमावळातील विविध गावांत शिस्तबद्ध पथसंचलन करण्यात आले.
लोकसभा निवडणुकीच्या चौथ्या टप्याची निवडणूक (ता.१३) रोजी होत आहे. त्या अनुषंगाने लोणावळा ग्रामीणचे पोलिस निरीक्षक किशोर धुमाळ-भारंबे यांच्या मार्गदर्शनाखाली पवनानगर पोलिस मदत केंद्र हद्दीतील पवनानगर बाजारपेठ, सावंतवाडी, तिकोना पेठ, गेव्हडे वसाहत, येळसे गावठाण येथे पथसंचलन करण्यात आले. पोलिस हवालदार विजय गाले, बीएसएफचे एक अधिकारी व ३० जवान यामध्ये सहभागी झाले होते. येळसेचे पोलिस पाटील सतीश ठाकर, शेवतीचे पोलिस पाटील सुनील कालेकर, गेव्हंडे वसाहतचे पोलिस पाटील अनंता खैरे, सावंतवाडीचे पोलिस पाटील प्रल्हाद घारे, प्रभाचीवाडीचे पोलिस पाटील नामदेव डोंगरे यांच्यासह कर्मचारी उपस्थित होते. परिसरात कायदा व सुव्यवस्था अबाधित राहावी, यासाठी हे पथसंचलन करण्यात आले.