तळेगाव स्टेशन, ता. ११ : तळेगाव दाभाडे नगरपरिषद हद्दीत विविध कारणांसाठी चालू असलेले रस्ते खोदाईचे काम थांबविण्याची मागणी माजी नगरसेवक अरुण माने यांनी मुख्याधिकाऱ्यांना निवेदनाद्वारे केली आहे.
तळेगाव शहरांमध्ये अनेक वर्षांपासून अतिशय खराब रस्ते होते. काही महिन्यांपूर्वी नवीन रस्ते बनविण्यात आलेले आहेत. नव्यानेच बनवलेल्या रस्त्यावरती पुन्हा केबल, गॅस पाइपलाइन टाकण्याच्या नावाखाली खोदकाम चालू केलेले आहे. तळेगाव दाभाडे शहरांमध्ये एमएनजीएल कंपनी गॅस लाइनचे पाइप टाकण्याचे काम चालू केले आहे. तसेच काही भागांमध्ये लाईटच्या केबलचे काम चालू आहे. या खोदकामामुळे लाखो रुपये खर्च करून नुकत्याच डांबरीकरण केलेल्या नव्या रस्त्यांची पुन्हा दुरवस्था होणार आहे. त्यामुळे आपण हे काम थांबवावे, अशी विनंती निवेदनात करण्यात आली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.