Panchayat 3 : 'पंचायत ३' ही वेब सिरीज सध्या खूप गाजतेय. या शोमध्ये प्रल्हाद हे पात्रही खूप गाजतंय. ‘पंचायत ३’ या वेब सीरिजची सध्या खूप चर्चा आहे. ही भूमिका साकारली आहे अभिनेता फैजल मलिकने. या आधीही त्याने अनेक प्रोजेक्टस्मध्ये काम केलं आहे.
नुकतंच एका मुलाखतीत त्यांनी किस्सा सांगितला कि, अमिताभ बच्चन यांच्याशी खरं बोलल्यामुळे त्याला नोकरी गमवावी लागली.
लल्लनटॉप ला दिलेल्या मुलाखतीत फैजल यांनी सांगितलं कि, "मी पहिल्यांदा अमिताभ बच्चन यांना भेटायला गेलो आणि त्यांना भेटायला मिळणार म्हणून मी खूप उत्साही होतो. मी त्यांना भेटल्यावर आधी त्यांचा ऑटोग्राफ मागितला मग कामाविषयी बोलू लागलो.बिग बींच्या घरी आमच्यासाठी सारखं काही ना काही खायला येत होतं. आधीचं संपवण्यापूर्वी नवीन पदार्थांची प्लेट यायची. मी त्यांना सांगितलं की मी अलाहाबादचा आहे आणि मग ते माझ्याशी बोलू लागले. त्यांनी आम्हाला तिळाचे लाडू दिले. मी लाडू हातात घेण्यापूर्वीच त्यांनी दोन लाडू स्वतः खाल्ले होते. ते खरंच खूप तरुण आहेत.
ज्याने त्यांना स्क्रिप्ट वाचून दाखवली त्याला अतिआत्मविश्वास होता. पण अमिताभ यांनी ६२ क्रमांकाच्या पानावर एक चूक लक्षात आणून दिली. त्यानंतर त्यांनी मला विचारलं कि आपण यावर काम कधी सुरु करू शकतो तेव्हा मी प्रामाणिकपणे उत्तर म्हंटलं कि, ‘सर, आपण आता हे शूट करायला नको, आपण हे सहा महिन्यांनी शूट करायला पाहिजे.’ मिटिंग संपवून खाली आलो तेव्हा मला तू या प्रोजेक्टवर काम करू नकोस असं सांगण्यात आलं."
दरम्यान, पंचायतच्या सीजन ३ मध्येही फैजल काम करत असून त्यांनी त्यांच्या प्रभावी अभिनयाने सगळ्यांचं मन जिंकलंय. त्यांच्याबरोबर रघुबीर यादव, जितेंद्रकुमार, नीना गुप्ता यांच्या मुख्य भूमिका आहेत. या आधीच्या दोन सीजननेही प्रेक्षकांची मनं जिंकली होती आणि आता प्रेक्षकन चौथ्या सिजनची वाट पाहत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.