Marathi Entertainment News : साऊथ इंडियन सुपरस्टार रामचरण कायमच सोशल मीडियावर काही ना काही कारणामुळे चर्चेत असतो. नुकताच त्याचा एक व्हिडीओ सोशल मीडियावर व्हायरल होतोय. या क्युट व्हिडीओने सगळ्यांचंच लक्ष वेधून घेतलं. रामचरण त्याच्या पत्नीबरोबर नुकताच परदेशातून परत आला. यावेळी त्याच्या खास मित्राने एअरपोर्टवर हजेरी लावली.

सोशल मीडियावर व्हायरल झालेल्या व्हिडीओमध्ये पाहायला मिळालं कि, रामचरणचा पेट डॉग एअरपोर्टवर त्याला पीक अप करण्यासाठी आला होता. रामचरण दिसताच त्याने त्याच्याकडे धाव घेतली. रामचरणनेही त्याला लगेच उचलून घेतलं. त्या दोघांचं हे क्युट बॉण्डिंग सगळ्यांनाच पसंत पडलं.

विरल भयानीने रामचरणचा हा एअरपोर्टवरील व्हिडीओ सोशल मीडियावर शेअर केला आहे. या व्हिडिओमध्ये त्याचा पेट डॉग धावत त्याच्या जवळ येतो आणि शेपूट हलवून त्याचा आनंद व्यक्त करतो. त्यानंतर रामचरण त्याला उचलून घेतो असं पाहायला मिळालं. यावेळी त्याची बायको उपासना आणि बायको क्लीन काराही उपस्थित होती. सोशल मीडियावर हा व्हिडीओ चांगलाच चर्चेत आहे. अनेकांनी कमेंट्स करत रामचरण आणि त्याच्या पेट डॉगच्या बॉण्डचं कौतुक केलं.

रामचरण आता आर सी 16 आणि गेम चेन्जर या सिनेमातून प्रेक्षकांच्या भेटीस येणार आहे. त्याचे आर आर आर आणि आचार्य हे सिनेमे सुपरहिट ठरले. २ ० २ ४ मध्येच गेम चेंजर हा सिनेमा रिलीज होणार आहे.