Sankarshan Karhade : आशादी एकादशी निमित्ताने संपूर्ण महाराष्ट्रक्ट उत्साहाचं वातवरण आहे. संपूर्ण महाराष्ट्र आज विठ्ठलमय झालाय. यामध्ये मराठी इंडस्ट्रीही मागे नाहीये. अनेक कलाकारांनी सोशल मीडियावर पोस्ट शेअर करत आषाढी एकादशीच्या शुभेच्छा दिल्या. अभिनेता संकर्षण कऱ्हाडेने त्याला आलेला अनुभव सोशल मीडियावर शेअर केला.

संकर्षणची पोस्ट

अभिनेता संकर्षण कऱ्हाडेने सोशल मीडियावर पोस्ट शेअर केली. त्याला आलेला विठ्ठलाचा अनुभव त्याने सांगितला. तो म्हणतो,"ह्या वर्षीच्या आषाढी एकादशीला भारतात नाहीये…
सारखं मनांत वाटत होतं कि
“दर्शन कुठे घ्यावं… ??? ऊपवास कसा करावा ??? …”
पण अमेरिकेत प्रयोग करायला आलो Austin मध्ये … आणि तिथल्या मंडळाने प्रयोग सुरु करायच्या आधी विचारलं कि ;
“आम्ही दर वर्षी पांडूरंगाची पूजा करतो , दिंडी आयोजीत करतो… तर तुम्ही पुजेचा मान घ्याल का ….?”
मला असं वाटलं कि ,
विठ्ठलानेच साद घातली ….

“विठ्ठलाची हाक जोवर वैंकुठातून येत नाही..
कित्तीही ठरवा तुम्ही , पाऊल पंढरीकडे जात नाही..
लाख्खो पाऊलं चालून , जेंव्हा भेट ऊराऊरी होते..
पांडूरंग करतो स्वागत , आणि तेंव्हा खरी वारी होते…”

विठ्ठल विठ्ठल विठ्ठल विठ्ठल ….!!!!"

विठ्ठलाने संकर्षणची पूर्ण केलेली इच्छा आणि त्याला मिळालेला पूजेचा मान या अनुभवाचं सगळ्यांनीच सोशल मीडियावर कौतुक केलं. "देव तुझ्यासारख्याच भक्तांची इच्छा पूर्ण करतो. खऱ्या भक्ताला साद घालतो." अशा कमेंट्स अनेकांनी शेअर केल्या.

कोरोनाकाळात संकर्षणने विठ्ठलावर केलेली कविता चर्चेत होती. पुन्हा एकदा कविता सोशल मीडियावर व्हायरल झाली आहे.

पहा संकर्षणची कविता

संकर्षणचं सध्या रंगभूमीवर 'नियम व अटी लागू' हे नाटक सुरु आहे. शिवाय 'संकर्षण व्हाया स्पृहा' या कवितांच्या कार्यक्रमाचे प्रयोगही तो करतोय. तसंच झी मराठीवर 'ड्रामा ज्युनिअर्स' हा त्याचा कार्यक्रमही खूप गाजतोय. तो पहिल्यांदाच या कार्यक्रमामध्ये परीक्षकाच्या भूमिकेत दिसत असून अभिनेत्री अमृता खानविलकर त्याच्याबरोबर या कार्यक्रमाचं सहपरीक्षण करतेय. श्रेया बुगडे या कार्यक्रमाचं सूत्रसंचालन करतेय.