Pushpa 2: बॉलिवूडमधील प्रसिद्ध अभिनेता अल्लू अर्जुनच्या (Allu Arjun) पुष्पा 2 (Pushpa 2) या चित्रपटाची प्रेक्षक आतुरतेने वाट पाहत आहेत. पुष्पा द राइज हा चित्रपट बॉक्स ऑफिसवर सुपरहिट ठरला. त्यानंतर या चित्रपटाच्या टीमनं पुष्पा-2 ची घोषणा केली. आता पुष्पा-2 या चित्रपटाचं पोस्टर आणि टीझर रिलीज झाला आहे. यामधील टीझरनं अनेकांचे लक्ष वेधले आहे. टीझरमधील भव्य दिव्य सेट पाहिल्यानंतर या चित्रपटाचं बजेट किती असेल? असा प्रश्न अनेकांना पडला असेल, जाणून घेऊयात पुष्पा-2 च्या बजेटबद्दल...
अल्लू अर्जुनच्या वाढदिवसानिमित्त पुष्पा-2 या चित्रपटाचा टीझर रिलीज करण्यात आला आहे. आता चित्रपटाच्या बजेटबद्दल आणि ओटीटी प्लॅटफॉर्म राइट्सबद्दल माहिती समोर आली आहे.
बॉलिवूड लाईफच्या रिपोर्टनुसार, नेटफ्लिक्स या ओटीटी प्लॅटफॉर्मनं पुष्पा-2 या चित्रपटाचे डिजिटल राइट्स विकत घेतले आहेत. नेटफ्लिक्सने पुष्पा 2 या चित्रपटाचे राइट्स 100 कोटी रुपयांना विकत घेतले आहेत. पुष्पा 2 या चित्रपटाचे ग्लोबल म्युझिक राइट्स आणि हिंदी सॅटेलाइट राइट्स टी-सीरीजने 60 कोटी रुपयांना विकत घेतले आहे, असं म्हटलं जात आहे. म्हणजेच रिलीजआधीच पुष्पा-2 या चित्रपटानं जवळपास 160 कोटींची कमाई केली आहे.
पुष्पा 2 या चित्रपटाचं बजेट 500 कोटींच्या आसपास पोहोचले आहे. या चित्रपटातील 6 मिनिटांच्या एका सीनसाठी चित्रपटाच्या निर्मात्यांनी 60 कोटी रुपये खर्च केले होते. रिपोर्टनुसार, हा सीन शूट करण्यासाठी जवळपास एक महिना लागला.
'पुष्पा 2' हा चित्रपट 15 ऑगस्टला थिएटरमध्ये रिलीज होणार आहे. दिग्दर्शक सुकुमारच्या या चित्रपटात अल्लू अर्जुनसोबत रश्मिका मंदान्ना आणि फहद फासिल यांच्या प्रमुख भूमिका असणार आहेत. या चित्रपटाची प्रेक्षक उत्सुकतेने वाट बघत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.