Pushpa 2 Release Date: लोकप्रिय दाक्षिणात्य अभिनेता अल्लू अर्जुन याच्या 'पुष्पा' चित्रपटाने बॉक्स ऑफिसवर धुमाकूळ घातला. त्याच्या 'पुष्पराज'ने सगळ्यांची मनं जिंकली. कोट्यवधींची कमाई करणारा हा चित्रपट प्रेक्षकांच्या पसंतीस उतरला. या चित्रपटाने कमाईच्या बाबतीत अनेक रेकॉर्ड तोडले. त्यानंतर प्रेक्षकांना या चित्रपटाच्या दुसऱ्या भागाची उत्सुकता लागून राहिली होती. हा चित्रपट कधी येणार याकडे प्रेक्षक डोळे लावून बसले होते. काही महिन्यांपूर्वी 'पुष्पा २' ची रिलीज डेट अखेर जाहीर करण्यात आली. मात्र आता तिसऱ्यांदा या चित्रपटाची तारीख बदलण्यात आली आहे. निर्मात्यांनी 'पुष्पा- द रूल' (Pushpa 2 The Rule) चित्रपटाचं नवं पोस्टर प्रदर्शित केलं असून यासोबत चित्रपटच्या प्रदर्शनाची तारीखही जाहीर केली आहे.

काय आहे सिनेमाची रिलीज डेट?

'पुष्पा द रुलर' ला मिळालेल्या प्रतिसादानंतर निर्मात्यांनी 'पुष्पा द रुल'ची' प्रेक्षक आतुरतेने वाट पाहत होते. या चित्रपटाचं चित्रीकरण पूर्ण झालं होतं. मात्र चित्रपटाचं पोस्ट प्रोडक्शन बाकी असल्याने निर्मात्यांनी प्रदर्शन पुढे ढकलण्याचा निर्णय घेतला. गाण्याचं एडिटिंग पूर्ण न झाल्याने 'अंगारो सा' हे गाणंही फक्त लिरिकल प्रदर्शित करण्यात आलं. आधी हा चित्रपट १५ ऑगस्ट रोजी चित्रपटगृहात येणार असल्याचं सांगण्यात आलं. मात्र तारीख बदलून हा चित्रपट ६ डिसेंबर रोजी प्रदर्शित करण्यात येणार होता. मात्र आता पुन्हा एकदा ही तारीख बदलली आहे. आता हा चित्रपट ६ ऐवजी ५ डिसेंबर रोजी प्रदर्शित होणार आहे. चित्रपट एक दिवस लवकर प्रदर्शित होणार आहे.

'पुष्पा- द रूल' या चित्रपटात अल्लू अर्जुन हा मुख्य भूमिकेत दिसणार आहे. सिक्वलमध्ये पुष्पा आणखी आक्रमक रुपात दिसणार आहे. याशिवाय रश्मिका मंदाना पुन्हा एकदा आपला जलवा दाखवणार आहे. त्यामुळे आता ५ डिसेंबरची चाहते आतुरतेने वाट पाहत आहेत.