Latest Bollywood Update: मुंबई ही स्वप्नांची नगरी म्हणून ओळखली जाते, त्या नगरीत बॉलीवूड सेलिब्रिटी एकामागून एक घरे खरेदी करताना दिसत आहेत. अलीकडेच अभिनेता अभिषेक बच्चनने मुंबईत एक नव्हे, दोन नव्हे, तर सहा फ्लॅट्स खरेदी केले होते.

आता आमिर खाननेही कोट्यवधींचे घर विकत घेतल्याची बातमी समोर आली आहे. आमिर सध्या त्याच्या कुटुंबासह पाली हिल, वांद्रे येथे एका आलिशान अपार्टमेंटमध्ये राहतो.

आता या अभिनेत्याने या आलिशान जागेत आणखी एक नवीन घर विकत घेतले आहे. ज्याची किंमत कोट्यवधी रुपये आहे. मीडिया रिपोर्टनुसार, आमिर खानने ही प्रॉपर्टी ९.७५ कोटी रुपयांना खरेदी केली आहे. जे १,०२७ स्क्वेअर फूटमध्ये बांधले आहे

. ही जागा बेल्ला विस्टा अपार्टमेंट्स नावाच्या अत्याधुनिक इमारतीत आहे. आमिर खानच्या वर्क फ्रंटबद्दल बोलायचे झाले तर आमिर खान शेवटचा ‘लाल सिंह चड्ढा’ मध्ये दिसला होता. या चित्रपटाने बॉक्स ऑफिसवर चांगली कामगिरी केली नव्हती त्यानंतर आता आमिर आता लवकरच ‘सीतारे जमीन पर’मध्ये दिसणार आहे.

या चित्रपटात त्याच्यासोबत अभिनेत्री जिनीलिया डिसूजासुद्धा झळकणार आहे. हा चित्रपट ख्रिसमसच्या मुहूर्तावर डिसेंबरमध्ये प्रदर्शित होणार आहे.