Anant & Radhika Wedding : आज बहुप्रतीक्षित अनंत अंबानी आणि राधिका मर्चंटचा विवाहसोहळा पार पडतोय. या लग्नसोहळ्याची वरातही थाटात निघाली आणि वरपक्ष लग्नसोहळ्याच्या ठिकाणी वेळेत हजर झाला. लग्नसोहळा सुरु होण्यापूर्वी अनंत अंबानीने केलेल्या लूकने सगळ्यांचं लक्ष वेधून घेतलं. सोशल मीडियावर त्याच्या या आऊटफिटची चर्चा रंगलीय.

सोशल मीडियावर शेअर झालेल्या फोटोजमध्ये अनंताचा लग्नपूर्वीच लूक पाहायला मिळतोय. भगव्या रंगाची शेरवानी, पायजमा या लूकमध्ये अनंत लग्नस्थळी हजर झाला. पण सगळ्यांचं लक्ष वेधून घेतलं ते त्याच्या पायातील स्पोर्ट्स शूजने. शेरवानीला शोभतील अशी पादत्राणे घालण्याऐवजी चक्क अनंतने स्वतःच्याच लग्नाला स्पोर्ट्स शूज घालणं पसंत केलं. त्याचा हा हटके लूक सध्या सोशल मीडियावर चर्चेत आहे. अनंत अंबानी वगळल्यास संपूर्ण अंबानी कुटूंबाने पिंक रंगाच्या पेस्टल शेडचे सारख्या डिझाईनचे कपडे घालून येणं पसंत केलंय. श्लोका, ईशा यांनी गुलाबी रंगाच्या पेस्टल शेड्समधील लेहेंगे परिधान केले आहेत. तर मुकेश अंबानी, मुलगा आकाश आणि जावई आनंद पिरामल यांनी त्यांच्या पत्नीच्या लुकला आणखी शोभून दिसतील असे गुलाबी रंगाचाच शेरवानी घातल्या आहेत. वरमाई नीता अंबानी यांची भगव्या आणि गुलाबी रंगाचं कॉम्बिनेशन असलेली डिझायनर साडी सगळ्यांचं लक्ष वेधून घेतेय.

सोशल मीडियावर हे फोटोज व्हायरल झाले असून अनेकांनी कमेंट्स करत अनंत आणि राधिकाला नव्या आयुष्यासाठी शुभेच्छा दिल्या. सगळेचजण अनंतचा लग्नातील लूक पाहण्यासाठी उत्सुक आहेत. थोड्याचवेळात वरमालेचा विधी थाटात पार पडणार आहे.

Anहा ग्रँड विवाहसोहळा मुंबईतील बीकेसी येथील जिओ कॉनव्होकेशन सेंटरमध्ये थाटात पार पडणार असून या सोहळ्याला जगभरातील दिग्गज मंडळी हजेरी लावणार आहेत. बॉलिवूड आणि हॉलिवूडमधील आघाडीचे कलाकार, राजकारणातील नेतेमंडळी, अनेक उद्योगपती आणि आंतरराष्ट्रीय राजकारणातील महत्त्वाच्या व्यक्ती या सोहळ्याला हजर असणार आहेत.