Malaika Arora: अभिनेत्री मलायका अरोरा (Malaika Arora) आणि अभिनेता अरबाज खान (Arbaaz Khan) यांचा मुलगा अरहान खान (Arhaan khan) याचे 'डंब बिर्याणी' नावाचे पॉडकास्ट प्रेक्षकांच्या भेटीला येत आहे. अरबाज खान आणि सोहेल खान यांनी या पॉडकास्टमध्ये हजेरी लावली होती. आता मलायका देखील तिच्या मुलाच्या पॉडकास्टमध्ये हजेरी लावली आहे. या पॉडकास्टच्या प्रोमोमध्ये अरहान हा मलायकाला लग्नाबद्दल प्रश्न विचारताना दिसत आहे. तर मलायका देखील अरहानला त्याच्या वैयक्तिक आयुष्याबद्दल विचारताना दिसत आहे.

अरहानच्या प्रश्नाला मलायकानं दिलं हटके उत्तर

पॉडकास्टच्या प्रोमोमध्ये दिसते की, अरहान मलायकाला विचारतो, "तू सोशल क्लांबर आहेस?" मलायका याचं उत्तर देते, "मी नाहीये." त्यानंतर अरहा मलाइकाला विचारतो, "आई, तू लग्नकधी करणार" या प्रश्नाचे मलायकाने उत्तर दिले, तुला याचं खरं उत्तर पाहिजे? मी याचं खूप स्पायसी उत्तर देऊ शकते." मलायकाच्या या उत्तरानं अनेकांचे लक्ष वेधले आहे.

मलायकानं लेकाला व्हर्जिनीटीबद्दल विचारलं

प्रोमोमध्ये दिसते की मलायका तिच्या मुलाला व्हर्जिनीटीबद्दल देखील विचारते. आईचा हा प्रश्न ऐकल्यानंतर अरहान आश्चर्यचकित होतो.

अरहानच्या 'डंब बिर्याणी' या पॉडकास्टच्या गेल्या एपिसोडमध्ये अभिनेता अरबाज खान आणि सोहेल खान यांनी सलमान खानसोबतच्या त्यांच्या नात्याबद्दल सांगितलं. अरबाजने मस्करी करत म्हणाला की, आम्ही तिघेही भाऊ खरतंर एकमेकांच्या बहिणीसारखे आहोत. त्यावर अरहान मजेत म्हणतो, 'भाईजान नहीं, बहनजी.'

मलायका आणि अरबाज यांनी 2017 मध्ये घटस्फोट घेतला. अरबाजनं गेल्या वर्षी शुरा खान या मेकअप आर्टिस्टसोबत लग्न केलं आहे. अरबाज आणि शूराच्या लग्नसोहळ्याचे फोटो सोशल मीडियावर व्हायरल झाले. मलायका ही सध्या अर्जुन कपूरला डेट करत आहे. मलायका आणि अर्जुन हे एकमेकांसोबत कधी लग्न करणार? असा प्रश्न त्यांच्या चाहत्यांना पडला आहे.