Aryan Khan Net worth:बॉलिवूडचा किंग असलेल्या शाहरुख खान आता पुन्हा एकदा चाहत्यांमध्ये चर्चेत आहे. शाहरुखशी जोडलेली छोट्यातली छोटी गोष्टही प्रेक्षकांमध्ये व्हायरल होते. नुकतंच शाहरुखचा फोटो असलेलं नाणं प्रेक्षकांना पाहायला मिळालं होतं. शाहरुख फक्त भारतातच नाही तर संपूर्ण जगभरात लोकप्रिय आहे. आताही तो चाहत्यांमध्ये चर्चेत आहे. मात्र त्याचं कारण आहे त्याचा मुलगा आर्यन खान. आर्यनने असं काही केलं आहे ज्यामुळे सगळ्यांच्या भुवया उंचावल्या आहेत. त्याने आपल्या आई- वडिलांच्या आठवणी जपण्यासाठी दिल्लीतला फ्लॅट विकत घेतला आहे. ज्याची किंमत कोट्यवधींमध्ये आहे.

शाहरुख आणि गौरी खान हे सुरुवातीच्या काळात दिल्लीतील पंचशील पार्क येथे राहत होते. आता आर्यनने याच बिल्डिंगमधील दोन फ्लोर विकत घेतले आहेत. इकॉनॉमिक टाइम्सने दिलेल्या माहितीनुसार, आर्यनने साऊथ दिल्लीतील पंचशील पार्क येथील दोन मजले खरेदी केले आहेत. त्याने मे २०२४ रोजी ही प्रॉपर्टी रजिस्टर केली होती. तर त\स्टॅम्प ड्युटीसाठी त्याने २ कोटी ६४ लाख रुपये भरले आहेत. या दोन मजल्यांसाठी त्याने ३७ कोटी रुपये मोजले आहेत. या बिल्डिंगच्या तळमजला आणि पहिल्या मजल्याचे मालक शाहरुख आणि गौरी खान आहेत. लग्नानंतर ते काही काळ इथेच राहत होते. आता आर्यनने त्यांच्या मजल्यांच्या वरचे दोन मजले खरेदी केले आहेत.

आर्यनने ज्या बिल्डिंगमध्ये फ्लॅट खरेदी केला आहे ते गौरीने डिझाईन केले असल्याचे सांगितलं जातंय. शाहरुखकडे पंचशील पार्कमध्ये 27,000 चौरस फुटांचा हेरिटेज व्हिला आहे, जो त्याने 2001 मध्ये 13 कोटी रुपयांना विकत घेतला होता. आज या मालमत्तेची किंमत सुमारे 200 कोटी रुपये आहे. 2020 मध्ये कोविड-19 महामारीच्या काळात शाहरुखने हे घर Airbnb ला भाड्याने उपलब्ध करून दिले. शाहरुख आणि गौरीची भेट दिल्लीतच झाल्याची माहिती आहे. दुसरीकडे आर्यन आता बॉलिवूडमध्ये डेब्यू करण्यासाठी तयार आहे. ती 'स्टारडम' नावाच्या वेब सिरीजमधून अभिनय क्षेत्रात पदार्पण करणार आहे. पण तो अभिनय करणार नाहीये तर दिग्दर्शक म्हणून काम संभाळणार आहे.