मराठी इंडस्ट्रीत यावर्षी अनेक चित्रपटांचे सिक्वेल प्रदर्शित झाले या सगळ्या चित्रपटात प्रेक्षक 'धर्मवीर २' ची आतुरतेने वाट पाहत होते. २७ सप्टेंबर २०२४ रोजी प्रदर्शित झालेल्या 'धर्मवीर २' ची प्रेक्षकांमध्ये प्रचंड चर्चा होती. मात्र हा सिनेमा प्रेक्षकांच्या मनात स्थान मिळवू शकला नाही. सुरुवातीला दमदार कमाई करणारा हा चित्रपट पुढे मात्र प्रचंड रेंगाळला. 'धर्मवीर' सुपरहिट ठरला. त्याप्रमाणे 'धर्मवीर २' कडूनही प्रेक्षकांना अपेक्षा होती मात्र ती पूर्ण होऊ शकली नाही. बॉक्स ऑफिसवर चित्रपटाने चांगली कमाई केली असली तरी 'धर्मवीर' च्या मानाने हा चित्रपट प्रेक्षकांची मनं जिंकून घेण्यास फेल ठरला आहे. या चित्रपटाने आतापर्यंत किती कमाई केलीये हे जाणून घेऊया.
'धर्मवीर'मध्ये आनंद दोघे यांची कथा दाखवण्यात आली होती. त्यामुळे प्रेक्षकांनी चित्रपटावर भरभरून प्रेम केलं. या चित्रपटाने तब्बल २५ कोटींची कमाई केली होती. हा चित्रपट ब्लॉकबस्टर ठरला होता.
प्रसाद ओकच्या 'धर्मवीर २'कडून प्रेक्षकांना प्रचंड अपेक्षा होती. मात्र सुरुवातीला सुसाट सुटलेला हा चित्रपट पुढे थंड पडला. या चित्रपटाने १९ दिवसात केवळ १५ कोटी २१ लाखांची कमाई केली आहे. हा चित्रपट हिट होण्यासाठी १६ कोटींचा आकडा गाठण्याची गरज आहे मात्र त्यासाठी आणखी ८७ लाखांची कमाई होणं गरजेचं आहे. मात्र गेल्या काही दिवसात चित्रपट केवळ ५ ते ३ लाखांपर्यंतची कमाई करताना दिसत आहे. त्यामुळे हा आकडा पार करणं अवघड आहे.
हा चित्रोत ८ कोटींच्या बजेट मध्ये बनला आहे. चित्रपटाला आतापर्यंत ७ कोटींचा फायदा झाला आहे. मात्र असं असलं तरी हा चित्रपट 'धर्मवीर' समोर फ्लॉप ठरला असं म्हणायला हरकत नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.