Divyanka Tripathi and Vivek Dahiya are stuck in Europe: टीव्ही अभिनेत्री दिव्यांका त्रिपाठी आणि विवेक दहिया हे आपल्या लग्नाचा वाढदिवस साजरा करण्यासाठी युरोपमध्ये गेले होते. मात्र तिथे त्यांची लूट झाली आणि त्यांचा पासपोर्टही चोरीला गेला. त्यामुळे ते तिथेच अडकून पडले होते.

दिव्यांका आणि विवेक हे दाम्पत्य त्यांच्या लग्नाचा आठवा वाढदिवस साजरा करण्यासाठी युरोपला गेले होते. ते १० जुलै रोजी ते फ्लॉरेन्सला पोहोचले होते. तिथे चोरीची घटना घडली. त्यांच्या कारमधून चोराने त्यांचा पासपोर्ट आणि १० लाख रुपये किमतीच्या मौल्यवान वस्तू चोरल्या.

चोरीच्या घटनेनंतर सोशल मीडियात पोस्ट करत त्यांनी सांगितलं की, ‘‘ही घटना सोडली तर या प्रवासात सर्व काही व्यवस्थित पार पडले. आम्ही फ्लॉरेन्समध्ये होतो आणि एक दिवस इथेच रहायचं ठरवलं. आम्ही एक प्रॉपर्टी तपासली आणि मग आमचे सामान बाहेर कारमध्ये ठेवले, मात्र आम्ही सामान घेण्यासाठी बाहेर पडलो तेव्हा आम्हाला धक्काच बसला. कोणीतरी कारची खिडकी तोडून आमचे पासपोर्ट, पैसे, खरेदी केलेल्या वस्तू आणि पाकीट चोरले होते. त्यांनी मागे फक्त काही जुने कपडे आणि खाद्यपदार्थ सोडले.’’

आता मात्र या दोघांच्या परतीचा मार्ग मोकाळा झाला आहे. युरोपमधील भारतीय दूतावासामुळे त्यांना पासपोर्ट मिळाले आहेत. त्यामुळे त्यांची लवकरच घरवापसी होणार आहे. रविवारी रात्री त्यांनीच याबाबत पोस्ट करत माहिती दिली आणि नूतनीकरण केलेल्या पासपोर्टसह फोटो शेअर केले.

इन्स्टाग्राम पोस्टमध्ये ते म्हणतात, आम्ही आता लवकरच भारताकडे निघणार आहोत. तुमचं प्रेम आणि समर्थनासाठी आभारी आहोत.. आमची घर वापसी शक्य केल्याबद्दल भारतीय दूतावासाचे खूप खूप आभार.. अशी पोस्ट त्यांनी केली.