Ek Do Teen Chaar: अनपेक्षित सरप्राईज नेहमीच धक्का देवून जातं, हे खरं मानता येईल कदाचित! कारण नुकताच "एक दोन तीन चार" (Ek Do Teen Chaar) या सिनेमाचा धमाकेदार टीझर प्रेक्षकांच्या भेटीला आला आहे. त्यात सम्या आणि सायलीच्या क्युट लवस्टोरीत एक मोठा बॉम्ब फुटलाय. या जोडप्याच्या आयुष्यात एक अनोखा ट्विस्ट आला आहे, याची झलक "एक दोन तीन चार" या चित्रपटाच्या टीझरमध्ये बघायला मिळत आहे. आता हा हॅपिनेसचा बॉम्ब फुटल्यावर त्यांच्या आयुष्यात काय- काय घडणार आहे? हे आपल्याला येत्या 19 जुलै रोजी समजेल. कारण "एक दोन तीन चार" हा चित्रपट 19 जुलै रोजी रिलीज होणार आहे.

"एक दोन तीन चार"ची स्टार कास्ट

"एक दोन तीन चार" या चित्रपटात मुख्य भूमिकेत वैदेही परशुरामी, निपुण धर्माधिकारी, मृणाल कुलकर्णी, ऋषिकेश जोशी, सतीश आळेकर, शैला घाणेकर इ. कलाकर आहेत इतकच नव्हे तर ‘फोकस इंडियन‘ या नावाने प्रसिद्ध असलेला सोशल मिडीया इन्फ्लुन्सर ‘करण सोनावणे‘ या चित्रपटात प्रमुख भूमिका साकारणार आहे.

"एक दोन तीन चार" या चित्रपटाच्या टीझरमध्ये दिसत आहे की, सम्या आणि सायली यांच्या आयुष्यात लवकरच एका चिमुकल्याचं आगमन होणार आहे. ही बातमी जेव्हा सम्या आणि सायली यांच्या कुटुंबाला कळते, तेव्हा काय-काय घडतं, हे टीझरमध्ये दाखवण्यात आलं आहे.

पाहा टीझर:

"एक दोन तीन चार"ची रिलीज डेट

जिओ स्टुडिओज प्रस्तुत, ज्योती देशपांडे निर्मित तसेच रणजित गुगळे, केयूर गोडसे, निपुण धर्माधिकारी आणि नीरज बिनीवाले निर्मीत बहावा एन्टरटेन्मेंट आणि १६ बाय ६४ यांच्या साहाय्याने "एक दोन तीन चार" हा वरूण नार्वेकर दिग्दर्शित मराठी सिनेमा १९ जुलै ला प्रेक्षकांच्या भेटीला येणार आहे.