घरत हे कोकणातील एका कुटुंबाचं आडनाव आहे. घरतांकडे गणपती आला आहे आणि त्यांच्याकडे त्याचा उत्सव साजरा करण्यात येतो. तो आम्ही लोकांपर्यंत आणण्याचा प्रयत्न करतोय. पूर्वी कुटुंब खूप मोठी असायची, पण आता काही लोक पुणे वा मुंबई अशा मोठ्या शहरात रहायला गेले, पण ही सगळी मंडळी गणपतीत एकत्र येऊन उत्सव साजरा करतात. ते या चित्रपटाद्वारे आम्ही दाखविण्याचा प्रयत्न केला आहे.

चार वर्षांपूर्वी मी आणि माझा सह-लेखक आलोक सुतार आम्ही गोष्ट लिहायला घेतली. गंमत म्हणजे माझ्या घरी गेल्या ७५ वर्षांपासून गणपती येतोय. त्यामुळे लहानपणापासून गणपतीची खूप आवड होती. आपण आजपर्यंत अनेक गणपतीवरील गाणी ऐकली आहेत, पण गणपतीचा विषय सहसा कुणी मांडलेला नाही. आपली संस्कृती काय आहे हे लोकांपर्यंत पोहोचलेले नाही, हेच लोकांपर्यंत घेऊन जाण्याचा प्रयत्न आहे.

हो, नक्कीच. गणपती सणाला लोक जेव्हा एकत्र घरी येतात, तेव्हा मौजमस्ती, रुसवे-फुगवे, हेवे-दावे होत असतात. या चित्रपटामध्ये तुम्हाला या सगळ्या बाबी पहायला मिळतील. मला खात्री आहे जेव्हा तुम्ही चित्रपट पहाल, तेव्हा या चित्रपटातील १४ व्यक्तिरेखांपैकी एका तरी व्यक्तिरेखेशी रिलेट कराल.

चित्रपट बनवल्यानंतर माझ्याकडे एक प्रश्न होता की, आपण इतक्या मोठ्या पातळीवर चित्रपट बनवत आहोत, तर तितक्याच मोठ्या पातळीवर प्रेक्षकांपर्यंतसुद्धा पोहोचला पाहिजे. तर जेव्हा आम्ही पॅनोरमाला आमचा चित्रपट दाखवला, तेव्हा त्यांना तो प्रचंड आवडला. तेव्हा त्यांनी मला सांगितलं की, आपण हे करायचंय. हा हिंदीतील इतका मोठा स्टुडिओ जेव्हा आमच्यासोबत असोसिएट झाला, तेव्हा मला खात्री आहे की ते हा चित्रपट उत्तमरीत्या लोकांपर्यंत पोहोचवणार आहेत.

मी सुरुवातीला चार वर्षे हॉलीवूडमध्ये काम केलं. येथे आल्यानंतर लगेच एक प्राॅडक्शन हाऊस चालू केलं. हा माझा पहिला चित्रपट जरी असला तरी या अगोदर मी शॉर्टफिल्म्स वगैरे केल्या आहेत. माझ्या आतापर्यंतच्या शॉर्टफिल्म्सना राष्ट्रीय तसेच आंतरराष्ट्रीय स्तरावरचे जवळपास १० ते १५ पुरस्कार मिळालेले आहेत. दिग्दर्शक म्हणून माझा पहिलाच चित्रपट जरी असला तरी मला दिग्दर्शनाचा अनुभव खूप आहे.

या चित्रपटात सगळेच कलाकार अनुभवी आहेत, त्यामुळे मला त्यांच्याबरोबर काम करणे सोपे गेले. शिवाय त्यांच्यातील केमिस्ट्री उत्तम जुळलेली आहे. विशेष म्हणजे आम्ही लिहिताना ज्या प्रकारे व्यक्तिरेखा मनात ठेवल्या होत्या त्या व्यक्तिरेखासुद्धा त्यांनी खूप वरच्या पातळीवर पोहोचवल्या आहेत.

असं पहायला गेलं तर आव्हाने तर खूप होती. कारण एका-एका सीनमध्ये आठ-नऊ कलाकार एकत्र होते. त्यामुळे त्यांच्याबरोबर ते लॉजिकली काम करणं खूप कठीण होतं, पण आम्ही ते खूप छान प्रकारे केलं, असं मला वाटतं.