Heeramandi The Diamond Bazaar: प्रसिद्ध फिल्ममेकर संजय लीला भन्साळी (Sanjay Leela Bhansali) यांच्या चित्रपटांना प्रेक्षकांची पसंती मिळते. त्यांच्या चित्रपटांमधील भव्य-दिव्य सेट्स प्रेक्षकांचे लक्ष वेधतात. लवकरच संजय लीला भन्साळी यांची ‘हीरामंडी: द डायमंड बाजार’ (Heeramandi The Diamond Bazaar) ही वेब सीरिज प्रेक्षकांच्या भेटीला येणार आहे. या वेब सीरिजचा फर्स्ट लूक काही दिवसांपूर्वी रिलीज करण्यात आला होता. तसेच या चित्रपटातील सकल बन हे गाणं देखील रिलीज करण्यात आलं. आता या चित्रपटाची रिलीज डेट जाहीर करण्यात आली आहे. हीरामंडी हा संजय लीला भन्साळी यांचा मास्टरपीस कधी रिलीज होणार? जाणून घेऊयात...
मुंबईतील महालक्ष्मी रेसकोर्स येथे आयोजित एका ड्रोन लाइट शो कार्यक्रमादरम्यान हीरामंडी वेब सीरिजची रिलीज डेट जाहीर करण्यात आली. यावेळी, 1,000 ड्रोन आकाशात उडवण्यात आले. वेब सीरिजच्या स्टार कास्टसह भन्साळी प्रॉडक्शनच्या सीईओ प्रेरणा सिंग आणि नेटफ्लिक्स इंडियाच्या मालिकेच्या संचालक तान्या बामी या कार्यक्रमाला उपस्थित होत्या. नेटफ्लिक्स या ओटीटी प्लॅटफॉर्मवर हीरामंडी ही वेब सीरिज 1 मे रोजी रिलीज होणार आहे.
‘हीरामंडी: द डायमंड बाजार’ या वेब सीरिजमध्ये मनीषा कोईराला, सोनाक्षी सिन्हा, रिचा चढ्ढा, अदिती राव हैदरी, संजीदा शेख आणि शर्मीन सहगल यांच्या महत्त्वाच्या भूमिका आहेत.
हम दिल दे चुके सनम,देवदास,साँवरिया,गुजारिश,गोलियों की रासलीला राम-लीला,बाजीराव मस्तानी, पद्मावत या संजय लीला भन्साळी यांच्या चित्रपटांना प्रेक्षकांची विशेष पसंती मिळाली. त्यांच्या पद्मावत या चित्रपटाने बॉक्स ऑफिसवर धुमाकूळ घातला. आता त्यांच्या ‘हीरामंडी: द डायमंड बाजार’ या वेब सीरिजची प्रेक्षक उत्सुकतेने वाट बघत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.